मुंबई : मुख्यमंत्री उद्धव ठाकरे यांनी विरोधी पक्ष भाजपच्या टीकेला थेट प्रत्युत्तर देत भाजपाला फटकारले आहे. यावर बोलताना ते म्हणाले कि, बाळासाहेब ठाकरे भोळे होते. त्यावेळी भाजपाने बाळासाहेबांना वेळोवेळी कसे फसवले हे मी माझ्या डोळ्यांनी पाहिलं आहे,”. तसेच मी भाजपासोबत धुर्तपणे वागत असल्याचं त्यांनी नमूद केलं. एका प्रसारमाध्यमाने आयोजित केलेल्या कार्यक्रमावेळी ते बोलत होते.

यापूढे बोलताना ठाकरे म्हणाले “माझ्यावर आरोप होतो की, ही शिवसेना बाळासाहेबांची नाही, मी म्हटलं हो बरोबर आहे. बाळासाहेब ठाकरे भोळे होते. त्यावेळी कसे फसवले हे मी माझ्या डोळ्यांनी पाहिलं आहे. त्यामुळे मी नाही म्हटलं तरी थोडासा धुर्तपणे भाजपासोबत वागतो आहे. तसेच आम्ही वाईट कारभार करत असू तर जरूर आम्हाला जनतेसमोर उघडं पाडा. मात्र, भाजपाने ‘कोठे नेऊन ठेवलाय महाराष्ट्र माझा’ असा प्रश्न विचारला होता.

आता त्यांना विचारण्याची गरज आहे की, महाराष्ट्राची संस्कृती पाहता भाजपाने महाराष्ट्र कोठे नेऊन ठेवलाय ? ही सुडबुद्ध तुमच्यात कोठून आली, ही कोणती संस्कृती आहे, तुमच्या रक्तात सुडबुद्धी कशी आली, हा विकृतपणा तुमच्याकडे कसा आला ?” अशा प्रकारे त्यांनी भाजपला चांगलंच धारेवर धरले आहे. यावरुन महाराष्ट्र भाजप प्रतिउत्तर तर देणारच यामूळे भाजप शिवसेनेला नेमकी काय प्रतिक्रिया देते हे पाहणे महत्त्वाचं ठरणार आहे.