Nashik ST Bus Accident: एसटी बसने तीन ते चार दुचाकीस्वारांना चिरडल्याने यात दोन ते तीन जणांचा मृत्यू झाला आहे. नाशिक-सिन्नर महामार्गावर तीन वाहनांचा विचित्र अपघात झाला, यानंतर एसटी बसने देखील पेट घेतला. अशी अपघाताची प्राथमिक माहिती समोर आली आहे. दरम्यान, अपघाताची माहिती मिळताच पोलिसांनी घटनास्थळी धाव घेतली असून बचावकार्य सुरू केलं आहे.

नाशिक-पुणे महामार्गावर शिंदे पळसे टोल नाका परिसरात दोन तीन वाहनांचा विचित्र अपघात झाला आहे. या अपघातानंतर बसने पेट घेतला. या भयंकर अपघातात दोन ते तीन जणांचा मृत्यू झाल्याची प्राथमिक माहिती समोर येत असून अपघात झाल्यानंतर काही क्षणातच एसटी बस आगीत भस्मसात झाली.

दरम्यान, अपघाताचे कारण अद्याप अस्पष्ट असून यंत्रणेसह इतर प्रशासन घटनास्थळी दाखल झाले आहे. या घटनेची माहिती मिळताच अग्निशामन दल घटनास्थळी दाखल झाले असून आग विझवण्याचे काम सुरू आहे.