भारत पेट्रोलियम कॉर्पोरेशन लिमिटेडच्या भूमिगत पाइपलाइनमधून तब्बल सहा हजार लिटर डिझेल चोरी केल्याचा प्रकार उघडकीस आला आहे. शिळफाटा महामार्गाजवळ रबाळे एमआयडीसी परिसरात 22 डिसेंबर आणि 23 डिसेंबरच्या मध्यरात्री ही घटना घडली. चोरी झालेले डिझेल 5.6 लाख रुपये किंमतीचे असल्याचे सांगितले जात आहे. याप्रकरणी पाइपलाइन नेटवर्कचे व्यवस्थापक संतोष उगले यांनी रबाळे एमआयडीसी पोलिस ठाण्यात तक्रार दिली आहे. पोलिसांनी अज्ञात व्यक्तींविरुद्ध गुन्हा दाखल केला आहे.

(Thiefs stole diesel worth about Rs 5.6 lakh from the underground pipeline BPCL at Navi Mumbai)

बीपीसीएलच्या चेंबूर नियंत्रण कक्षाला 22 डिसेंबर रोजी सकाळी 1.30 वाजता शिळफाटा महामार्गाजवळील डिझेल पाइपलाइनमध्ये कमी दाबाचा पट्टा आढळला. सकाळी 3.30 वाजता बीपीसीएल तंत्रज्ञांचे पथक पाइपलाइनच्या वॉर्निंग मार्कर क्रमांक 25 जवळ पोहोचले. पथकाला पाइपलाइनच्या बाजूला 5 ते 6 फूट खोल खंदक आणि एक लहान लोखंडी पत्रा उभारलेला दिसला, यामध्ये डिझेल भरलेले होते.

पथकाला पाईपलाईन पंक्चर केल्याचे दिसून आले. गुन्हेगारांनी यातून सुमारे 5.6 लाख रुपये किमतीचे सुमारे 6000 लिटर डिझेल चोरल्याचा त्यांनी संशय व्यक्त केला आहे. पथकाने पोलिसांना घटनास्थळी पाचारण केले. रबाळे एमआयडीसी पोलिसांनी आयपीसी कायदा कलम 379 (चोरी), 427 (नुकसान घडवून आणणे), 511 (चोरीचा प्रयत्न) आणि 15(2), 15(4) पेट्रोलियम व खनिज पाइपलाइन अधिग्रहण हक्क वापरकर्त्यावर गुन्हा दाखल केला आहे.