रायगड: इंधन दरवाढीच्या विरोधात काँग्रेस (Congress) सरकारचा प्रचार आणि जाहिरातबाजी करत भाजप (BJP) सरकार सत्तेत आले आहे. परंतु आता केंद्रात भाजपची सत्ता आहे. भाजप सरकार केंद्रात सत्तेत आल्यापासून महागाईने सर्व रेकॉर्ड पार केले आहेत. पेट्रोलने तर शंभरी पार केली. याचा परिणाम हा सर्वसामान्य नागरीकांना आता असह्य झाला आहे.

या सततच्या दरवाढी विरोधात शिवसेनेने आक्रमक पवित्रा घेतला आहे. शिवसेनेने दरवाढी बाबत राज्यव्यापी सायकल रॅली आंदोलनाचा पुकारा केला. रायगडमध्ये (Raigad) शिवसैनिकांना ठिकठिकाणी रायकल रॅली काढुन इंधन दरवाढ आणि मोदी सरकारचा निषेध करण्यात आला आहे.

महाड येथे युवा सेनेतर्फे शहरात सायकल रॅली काढली. शहरातील सर्व भागात युवा शिवसैनिकानी रॅली काढत इंधन दरवाढी (Fuel price increase) बाबत केंद्र सरकारचा निषेध केला. या यावेळी मोठ्या संख्येने युवा शिवसैनिक या रॅलीत सहभागी झाले होते.