Narayan Rane Vs Uddhav Thackeray: शिवाजी पार्कमध्ये होणाऱ्या दसरा मेळाव्याबाबत बीएमसीने अद्याप ठाकरे आणि शिंदे गटाला परवानगी दिलेला नाही. दोन्ही बाजूंच्या अर्जावर बीएमसी संभ्रमात असून निर्णय घेण्यास असमर्थ असल्याचे वृत्त आहे. दुसरीकडे, उद्धव ठाकरे यांनी मातोश्रीवर बैठक घेऊन दसरा मेळाव्यासाठी मोठ्या संख्येने जमण्याचे आवाहन शिवसैनिकांना केले आहे.

दरम्यान, केंद्रीय मंत्री आणि शिवसेनेचे माजी नेते नारायण राणे (Narayan Rane) यांनी उद्धव ठाकरे यांच्यावर हल्लाबोल केला. आम्ही आलो तर उद्धव ठाकरेंच्या शिवसेनेला मैदानही मिळणार नाही, असे ते म्हणाले. खरी शिवसेना शिंदे यांची आहे. येत्या काळात त्यांना धनुष्यबाणही मिळणार आहे, असेही राणेंनी म्हटले.

दुसरीकडे, दसरा मेळाव्याचा दिवस जसजसा जवळ येत आहेत, तसतसा राज्यातील राजकारणाचा पार वाढू लागू लागला आहे. शिवसेना पक्षप्रमुख उद्धव ठाकरे (Uddhav Thackeray) हे सातत्याने सांगत आहेत की, दरवर्षीप्रमाणे शिवसेना (Shiv Sena) दसरा मेळावा शिवाजी पार्कवर घेणार आहे. दुसरीकडे, बीएमसीला दसरा मेळाव्यासाठी शिंदे गटाकडूनही अर्ज आला आहे. शिंदे गट स्वतःला खरा शिवसैनिक सांगून शिवाजी पार्कवर दसरा मेळावा घेण्याचा दावा करत आहे. याप्रकरणी बीएमसीने अद्याप कोणताही निर्णय घेतलेला नाही. 5 ऑक्टोबर रोजी विजयादशमीला होणाऱ्या दसरा मेळाव्याच्या आयोजनावरुन अजूनही संभ्रम कायम आहे. दोघांपैकी कोणीही मागे हटण्यास तयार नाही.

तसेच, उद्धव ठाकरे यांनी मातोश्रीवर नेत्यांची बैठक बोलावल्याचे वृत्त प्रसारमाध्यमांमध्ये येत आहे. या भेटीत उद्धव यांनी दसरा मेळावा शिवाजी पार्कवर आयोजित करणार असल्याचे स्पष्ट केले आहे. बैठकीत उद्धव यांनी नेत्यांना मोठ्या संख्येने कार्यकर्त्यांना बोलावून दसरा मेळाव्यासाठी गर्दी जमवण्याचे आवाहन केले आहे.