कोल्हापूर: सामाजिक कार्य आणि परिवर्तनसाठी ओळखल्या जाणाऱ्या राजर्षी शाहू महाराजांची आज 100 वी पुण्यतिथी आहे. यानिमित्ताने कोल्हापूरकरांनी महाराजांना अनोख्या प्रकारे आदरांजली वाहिली. कोल्हापूरवासीयांनी सकाळी 10 वाजता 100 सेकंदासाठी स्तब्धता पाळली. (Shahu Maharaj death anniversary in Kolhapur)

लोकराजा राजर्षी शाहू महाराज यांच्या स्मृती शताब्दी वर्षानिमित्त कोल्हापुरात आज दसरा चौक ते शाहू महाराज समाधी स्थळ इथपर्यंत कॅन्डल मार्च काढत लोकांनी त्यांना आदरांजली वाहिली. या कँडल मार्चमध्ये पालकमंत्री सतेज पाटील यांनी हजेरी लावली. 100 सेकंद उभे राहून लोक राजाला आदरांजली वाहूया असे आवाहन पालकमंत्री सतेज पाटील यांनी यावेळी केले.

त्यानिमित्ताने कोल्हापुरातील सर्व व्यवहार 100 सेकंदासाठी थांबवण्यात आले. या वंदन कार्यक्रमात केवळ शहरच नव्हे तर जिल्ह्यातील, राज्यातील, परदेशातील लोकांनी ही सहभाग घेतला. मुंबई येथील पन्हाळा लॉज या ठिकाणी 6 मे 1922 या दिवशी राजर्षी शाहू महाराजांचे निधन झाले होते.