रायगड: रायगड समुद्रात बोड बुडाल्याची घटना उडकीस आली आहे. बचाव पथकाकडून घटनास्थळी युद्धपातळीवर बचावकार्य सुरू आहे. गुरुवारी (२१ ऑगस्ट) सकाळी साडे नऊच्या सुमारास ही घटना घडल्याची माहिती समोर आली आहे. या बोटमध्ये किती लोक होते? ही घटना कशी घडली? याबाबत अद्याप अधिक माहिती समोर आलेली नाही.

मिळालेल्या माहितीनुसार, रायगडच्या उरण भागात बोट बुडाल्याची दुर्घटना घडली. सकाळी साडेनऊच्या सुमारास ही घटना घडली. गुजरातच्या हद्दीतील ही मासेमारी बोट असल्याचे सांगितले जाते. बोट बुडाल्याचा व्हिडिओ सध्या सोशल मिडियावर व्हायरल होत आहे.

गेल्या तीन दिवसांपासून मुंबई आणि कोकण भागात पावसाने धुमाकूळ घातला आहे. मुसळधार पावसामुळे समुद्राला देखील उधाण आहे. गुरुवारी सकाळी उरण भागात मासेमारी करणारी बोट बुडाली. या बोटीत मासेमारी करणारे सात मच्छिमार असल्याची माहिती मिळाली असून, त्यांना सुखरुपपणे बाहेर काढण्यात आले आहे. बचावकार्यासाठी हेलिकॉप्टरचा देखील वापर करण्यात आला.