सिंधुदुर्ग, मडूरा: गोव्यात धुमाकूळ घालणारा ‘ओंकार’ हत्ती अखेर सिंधुदुर्ग जिल्ह्यात दाखल झाला आहे. आज दुपारी सातोसे सीमेवरील रेखवाडी येथे तो स्थानिकांच्या अंगणातही दिसला. या घटनेने परिसरात तणाव निर्माण झाला असून वनविभागाची धावपळ सुरु झाली आहे.
स्थानिकांच्या माहितीनुसार, भरवस्तीतील पाणंदीमध्ये ओंकार बिनधास्तपणे फिरत होता. यावेळी युवा वर्गाने त्याची छबी मोबाईल कॅमेरात टिपण्याचा प्रयत्न सुरू केला, तर वनविभागाचे कर्मचारी नागरिकांना हत्तीपासून लांब राहण्याचे आवाहन करत होते.
तांबोसे येथील स्थानिकांनी दिलेल्या माहितीनुसार, ओंकार हत्ती उगवे भागातून तेरेखोल नदीतून सिंधुदुर्ग जिल्ह्यात प्रवेश केला. दुपारच्या सत्रात तो राजन वर्दम यांच्या घराजवळ दिसला. हत्तीच्या आगमनाची बातमी पंचक्रोशीत वाऱ्यासारखी पसरली.
वनविभागाचे कर्मचारी ओंकारला नागरी वस्तीपासून दूर नेण्यासाठी सक्रिय आहेत. तसेच, हत्ती पुन्हा गोव्यात प्रवेश करू नये यासाठी तेरेखोल नदीच्या पलीकडे आवश्यक सुरक्षा उपाययोजना राबवत आहेत.
संपूर्ण परिसरातील नागरिकांनी हत्तीच्या नजरेपासून सावध राहण्याचे आवाहन केले आहे. वनविभाग देखील लोकांना शेतजमिनीत हत्तीच्या संपर्कापासून दूर राहण्याचे सतत मार्गदर्शन करत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.