मागील काही दिवसांपासून महाराष्ट्रातील राजकीय समीकरणे वेगाने बदलू लागली आहेत. महाराष्ट्र राज्याचे विधानसभा विरोधी पक्षनेते देवेंद्र फडणवीस यांनी महाविकास आघाडी सरकारमधील अल्पसंख्यांक मंत्री नवाब मलिक यांच्यावर अंडरवर्ल्डशी संबंध असल्याचा आरोप केला होता. तसेच मुंबईच्या गुन्हेगारांकडून नवाब मलिक यांनी बेनामी जमीन खरेदी केली असल्याचा देखील यावेळी त्यांनी आरोप केला होता.

दरम्यान, यावर उत्तर देताना मलिकांनी देवेंद्र फडणवीस यांचेच अंडरवर्ल्डशी कशाप्रकारे संबंध आहेत याचा खुलासा करणार असल्याचे म्हटले आहे. त्याचबरोबर देवेंद्र यांनी पूर्ण पुराव्यनीशी बोलावे असंही त्यांनी म्हटले आहे. त्यामुळे मी उद्याच फडणवीस यांचं सत्य समोर आणणार आहे. तुम्हाला जे कोणी माहिती देत आहेत ते कच्चे खेळाडू असल्याचे देखील यावेळी मलिक यांनी म्हटले आहे. अंडरवर्ल्डशी संबंध असल्याचे आरोप यापूर्वी माझ्यावर कोणीही केलेले नाहीत. मी कोणत्याही प्रकारची बेनामी संपत्ती खरेदी केलेली नाही. आम्ही जी संपत्ती खरेदी केली ती पूर्ण कायदेशीरपणे पध्दतीनेच केलेली आहे. देवेंद्र फडणवीस पोकळ आरोप करत मला बदनाम करण्याचा प्रयत्न करत आहे. देवेंद्र फडणवीस यांनी आरोप करत फक्त राईचा पर्वत केला असल्याचे देखील म्हटले आहे.