सातारा जिल्हा व सत्र न्यायालयाने अॅड. गुणरत्न सदावर्ते यांना न्यायालयीन कोठडी सुनावल्यानंतर त्यांना मुंबईत आणण्यात आलं. आज त्यांना पुन्हा गिरगाव न्यायालयात हजर करण्यात आले. यावेळी सरकारी वकीलांनी मोठी माहिती दिली आहे. गुणरत्न सदावर्ते यांच्या अडचणीत वाढ झाली आहे. एसटी कर्मचाऱ्यांचं वकीलपत्र घेण्यासाठी सदावर्तेंनी पैसे घेऊन फसवणूक केल्याचा आरोप त्यांच्यावर करण्यात आला आहे. याबद्दल त्यांच्यावर गुन्हा दाखल झाला आहे.

अॅड गुणरत्न सदावर्तेंच्या घरामध्ये नोटा मोजण्याचं मशीन सापडल्याचं विशेष सरकारी वकील अॅड प्रदीप घरत यांनी गिरगाव कोर्टात सांगितलं. मुंबईतील गावदेवी पोलिसांनी सदावर्तेंची पुन्हा कोठडी मागितली आहे. त्यावर सुनावणीत सरकारी वकिलांनी नवी माहिती समोर ठेवली.

गुणरत्न सदावर्ते यांच्या अडचणीत वाढ झाली आहे. एसटी कर्मचाऱ्यांचं वकीलपत्र घेण्यासाठी सदावर्तेंनी पैसे घेऊन फसवणूक केल्याचा आरोप त्यांच्यावर करण्यात आला आहे. याबद्दल त्यांच्यावर गुन्हा दाखल झाला आहे. तर दुसरीकडे शरद पवार यांच्या सिल्व्हर ओक या निवासस्थानी झालेल्या हल्ल्यामध्येही त्यांचा हात असल्याचा आरोप आहे. याच प्रकरणात आज मुंबईतील गिरगाव कोर्टात (court) सुनावणी सुरु असताना सरकारी वकीलांनी कोर्टात काही गंभीर बाबी मांडल्या आहे.