मुंबईतील बिल्डरला धमकावून खंडणी मागणाऱ्या गुंड गणेश शिंदेला (Ganesh Shinde) मुंबई पोलिसांच्या अँटी एक्स्टॉर्शन सेलने अटक केली. आरोपीला काल न्यायालयात हजर केले असता, त्याला 14 दिवसांची न्यायालयीन कोठडी सुनावण्यात आली.

दरम्यान, मुंबईतील (Mumbai) एका बड्या व्यावसायिकाला धमकी दिल्या प्रकरणी गॅगस्टर गणेश शिंदेला वांद्रे पोलिसांनी अटक केली होती. काही दिवसांपूर्वी गॅगस्टर गणेश शिंदेकडून प्रसिद्ध व्यावसायिक सुधाकर शेट्टी यांना धमकी देण्यात आली होती.

शेट्टी यांनी वांद्रेच्या लिलावती रुग्णालयात उपचार घेत असताना. गणेश शिंदे याच्यासह काही जणांनी त्यांना पैशांसाठी धमकावल्याची तक्रार रविवारी 16 ऑक्टोबरला त्यांनी वांद्रे पोलिसात दिली होती. या प्रकरणी शेट्टी यांनी दिलेल्या तक्रारीनुसार वांद्रे पोलिसात गणेश शिंदे व इतर आरोपींविरोधात भा.द.वि 385 ,452 ,506(2), 34 कलमांतर्गग गुन्हा दाखल केला होता या प्रकरणी वांद्रे पोलिस अधिक तपास करत होती. पोलिसांनी आरोपी गणेश शिंदेचा माग काढत सोमवारी 17 ऑक्टोबर रोजी त्याला जेरबंद केला. या प्रकरणात पुढील तपास करण्यासाठी हा गुन्हा आता मुंबई पोलिसांच्या खंडणी विरोधी कक्षाकडे वर्ग करण्यात आला आहे.