मुंबई: मृत अविवाहित मुलाचे वीर्य मिळविण्यासाठी आईने उच्च न्यायालयात धाव घेतली आहे. कर्करोगाने मृत पावलेल्या मुलाचे वीर्य क्लिनिकमध्ये साठवून ठेवण्यात आले आहे.

मुलाच्या मृत्यूनंतर क्लिनिकने वीर्य देण्यास नकार दिल्यानंतर मुलाच्या आईने मुंबईस्थित उच्च न्यायालयात धाव घेतली आहे. वंश वाढवण्यासाठी मुलाचे वीर्य प्रजनन केंद्राला देण्याचे आदेश क्लिनिकला देण्याची विनंती याचिकेत करण्यात आली आहे.

याचिकाकर्ता महिलेचा मुलगा कर्करोगाशी झुंज देत होता, यावेळी त्याने क्लिनिकला त्याचे वीर्य जतन करण्याचा पर्याय निवडला होता.

मृत्यूनंतर मात्र वीर्य नष्ट करण्याची विनंती त्याने केली होती. मुलाच्या मृत्यूनंतर त्याच्या आईने मुलाच्या वीर्य देण्याची मागणी केल्यानंतर देण्यास क्लिनिकने नकार दिला. यानंतर मुलाच्या आईने उच्च न्यायालयात धाव घेतली होती.

न्यायालयाने या याचिकेवर सुनावणी देताना क्लिनिकला पुढील निकालापर्यंत वीर्य संरक्षित करण्याचे आदेश दिलेत. या प्रकरणाची पुढील सुनावणी ३० जुलै रोजी ठेवण्यात आली आहे.

मुलाचा वंश वाढविण्यासाठी त्याचे संरक्षित करण्यात आलेले वीर्य प्रजनन केंद्राला पाठविण्याची विनंती आईने याचिकेद्वारे केली आहे. क्लिनिकने वीर्य देण्यास नकार दिल्यानंतर आईने उच्च न्यायालयात धाव घेतली होती.

कर्करोगाशी झुंज देणाऱ्या मुलावर केमोथेरपी करण्यात आली यावेळी त्याने वीर्य संरक्षित करण्याचा पर्याय निवडला होता.