मागील अनेक दिवसांपासून राज्यात बरसणाऱ्या वरून राजाने अनेक भागात आता विश्रांती घेतलेली पाहायला मिळत आहे(Maharashtra Rain). मात्र उद्या, 2 ऑगस्ट रोजी कोकणात सर्वत्र मध्यम पावसाची शक्यता वर्तवली जात आहे(Monsoon Update). तसेच राज्यात उर्वरीत काही ठिकाणी हलक्या सरींसह, पावसाची विश्रांती राहण्याचा अंदाज हवामान विभागाने वर्तविला आहे.(Monsoon Update: Rains to hit Konkan on Monday)

बंगालच्या उपसागरातील कमी दाबाचे क्षेत्र आता उत्तर प्रदेश आणि आजूबाजूच्या परिसरावर असून, ते मध्य प्रदेश आणि राजस्थानकडे सरकण्याची शक्यता आहे.त्याचबरोबर हरियाणा आणि परिसरावरही हवेचे कमी दाबाचे क्षेत्र काही प्रमाणात सक्रियअसल्याचे पाहायला मिळत आहे . मॉन्सूनची शक्यता असलेल्या कमी दाबाचा पट्टा अनुपगडपासून कमी दाब क्षेत्रांमधून उत्तर बंगालच्या उपसागरापर्यंत विस्तारला आहे.

या निर्माण झालेल्या दोन्ही कमी दाबाच्या क्षेत्रांमुळे उत्तर भारतात मॉन्सून सक्रीय राहणार असून दक्षिण भारतात मात्र पावसाची विश्रांती राहण्याचा अंदाज आहे. उद्या महाराष्ट्रातील कोकणात सर्वत्रच हलक्या ते मध्यम पावसाचा अंदाज वर्तवला जात आहे. पावसाला पोषक हवामान नसल्याने विदर्भ, मध्य महाराष्ट्र, मराठवाड्यात तुरळक ठिकाणी हलक्या सरींसह पावसाची विश्रांती राहण्याचा अंदाज हवामान विभागाने वर्तविला आहे.