Israel-Hamas War: इस्रायल आणि हमास यांच्यात सुरु असलेल्या युद्धात काही देश इस्रायलच्या समर्थनार्थ उभे आहेत, तर काही पॅलेस्टाईनला पाठिंबा देत आहेत. या युद्धाबाबत विविध विचारधाराही उदयास येत आहेत.

दरम्यान, या युद्धाबाबत आयआयटी बॉम्बेमध्ये गदारोळ झाला आहे. वृत्तानुसार, इस्रायलविरुद्ध पॅलेस्टिनी स्वातंत्र्य लढ्याबद्दल बोलत असताना दहशतवादाचा गौरव केल्याबद्दल प्राध्यापक आणि अतिथी वक्त्याला अटक करण्याच्या मागणीसाठी शनिवारी आयआयटी बॉम्बेबाहेर निदर्शने करण्यात आली.

आंदोलकांच्या म्हणण्यानुसार, प्रतिष्ठित संस्थेच्या मानविकी आणि सामाजिक विज्ञान विभागाच्या प्राध्यापक शर्मिष्ठा साहा आणि पाहुणे वक्ता सुधन्वा देशपांडे यांनी 6 नोव्हेंबर रोजी 'एचएस 835 परफॉर्मन्स थिअरी अँड प्रॅक्सिस' या शैक्षणिक अभ्यासक्रमांतर्गत संवादादरम्यान दहशतवाद आणि सशस्त्र बंडखोरीवर कथितपणे चर्चा केली.

विवेक विचार मंचच्या नेतृत्वाखाली आंदोलकांनी असा दावा केला की, देशपांडे यांनी अल-अक्सा शहीद ब्रिगेडचा भाग असलेल्या पॅलेस्टिनी दहशतवादी झकारिया झुबैदीचा गौरव केला. अनेक देशांनी हमासला (Hamas) दहशतवादी संघटना म्हणून घोषित केले आहे. 2015 मध्ये त्याला भेटल्याचेही त्यांनी कबूल केले.

दरम्यान, 6 नोव्हेंबरच्या चर्चेमागील हेतू शोधण्यासाठी साहा आणि देशपांडे यांच्या फोन कॉल्स आणि ईमेलची चौकशी करण्याची मागणी आंदोलकांनी केली. तसेच, प्रोफेसरला आयआयटी बॉम्बेमधून काढून टाकण्यात यावे, अशीही त्यांनी मागणी केली.

एका विद्यार्थ्याने (Student) सांगितले की, ही चर्चा आयआयटी बॉम्बेमध्ये शिकणाऱ्यांना द्वेषपूर्ण आणि खोट्या कहाण्यांद्वारे प्रेरित करण्याची एक चाल आहे.

7 नोव्हेंबर रोजी पोलिसांना सादर केलेल्या पत्रात, काही विद्यार्थ्यांनी असा दावा केला आहे की, साहा यांनी देशपांडे सारख्या वक्त्यांना आमंत्रित करण्यासाठी अयोग्यरित्या आपल्या पदाचा वापर केला होता, ज्यांचा दावा होता की ते “कट्टरवादी डावे” आहेत.