IIT Bombay: पवई येथील इंडियन इन्स्टिट्यूट ऑफ टेक्नॉलॉजी (IIT Bombay) मुंबईतील एका 18 वर्षीय विद्यार्थ्याचा संस्थेच्या वसतिगृहाच्या सातव्या मजल्यावरुन पडून मृत्यू झाला आहे.
रिपोर्ट्सनुसार, हा विद्यार्थी गुजरातमधील अहमदाबादचा असून तो आयआयटीमध्ये केमिकल इंजिनीअरिंगच्या पहिल्या वर्षात शिकत होता.
पोलिसांनी दिलेल्या माहितीनुसार, रविवारी सकाळी 11.30 वाजता विद्यार्थी (Student) सातव्या मजल्यावरुन पडला होता. पोलिसांना घटनास्थळावरुन कोणतीही सुसाइड नोट मिळालेली नाही.
त्याचबरोबर कॅम्पसमध्ये अनुसूचित जातीच्या विद्यार्थ्याशी भेदभाव केला जात असल्याचा आरोप काही विद्यार्थ्यांनी केला आहे. यामुळेच त्याने आत्महत्या केली. सध्या पोलिसांनी आकस्मिक मृत्यूची नोंद केली आहे. या प्रकरणाचा तपास सुरु आहे.
पोलिसांनी (Police) सांगितले की, दर्शन सोलंकी हा बीटेकचा विद्यार्थी असून तो अहमदाबादचा रहिवासी होता. तीन महिन्यांपूर्वी त्याने या अभ्यासक्रमासाठी प्रवेश घेतला होता. शनिवारी त्याच्या पहिल्या सत्राच्या परीक्षा संपल्या.
अभ्यासाच्या तणावाखाली त्याने हे टोकाचे पाऊल उचलले का, याचा शोध घेण्याचा प्रयत्न पवई पोलीस करत आहेत.
दुसरीकडे, APPSC (आंबेडकर पेरियार फुले स्टडी सर्कल) आयआयटी बॉम्बेने ट्विट केले की, "आम्ही दर्शन सोलंकी या 18 वर्षीय दलित विद्यार्थ्याच्या निधनाबद्दल शोक व्यक्त करतो. तो 3 महिन्यांपूर्वी आयआयटी बॉम्बेमध्ये दाखल झाला होता. आपण हे समजून घेतले पाहिजे की, ही वैयक्तिक किंवा खाजगी समस्या नसून संस्थात्मक हत्या आहे."
एसएसपी बुधन सावंत म्हणाले की, 'प्राथमिक माहितीच्या आधारे आम्ही अपघाती मृत्यूची नोंद केली आहे. या प्रकरणाची पाहणी सुरु आहे.' ते पुढे म्हणाले की, 'प्रथम दर्शनी असे दिसते की, दर्शन डिप्रेशनमध्ये होता. या प्रकरणाची प्रत्येक बाजूने चौकशी केली जात आहे.
परीक्षेमुळे त्याने आत्महत्या केली का, याचाही शोध पोलीस घेत आहेत. मात्र, कोणतीही सुसाइड नोट मिळालेली नाही. त्यामुळेच मृत्यूचे कारण स्पष्ट होऊ शकले नाही.'
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.