महाराष्ट्रातील (Maharashtra) ठाण्यातून एक धक्कादायक घटना समोर आली आहे. येथील भाईंदर टाऊनशिपमध्ये एका व्यक्तीने आपल्या 40 वर्षीय पत्नीची नाश्त्यात जास्त मीठ घातल्याच्या रागातून हत्या केली आहे. ही घटना शुक्रवारी भाईंदर पूर्वेतील फाटक रोड परिसरात घडली आहे. या घटनेनंतर रात्री उशिरा आरोपीला पकडण्यात आल्याचे पोलिसांनी शनिवारी माध्यमांना सांगितले. एक दिवसापूर्वी ठाण्यातच एका सासऱ्याने आपल्या सुनेवर चहा नाश्ता न दिल्याने गोळ्या झाडल्या होत्या असे चित्र समोर आले. (Husband kills 40 year old wife for adding too much salt to breakfast)

मीरा भाईंदर-वसई विरार पोलीस आयुक्तालयाच्या अधिकाऱ्याने सांगितले की, आरोपीचे नाव 46 वर्षीय नीलेश घाघ आहे. तिला न्याहारीसाठी खिचडी देण्यात आली आणि त्यामध्ये मीठ जास्त होते, त्यानंतर झालेल्या वादातून आरोपीने सकाळी साडेनऊच्या सुमारास पत्नी निर्मला हिचा कपड्याने गळा आवळून जिवे मारले.

दोघांमध्ये अनेकदा भांडण व्हायचे,

शेजाऱ्यांनी हत्येची माहिती पोलिसांना दिली, यानंतर पोलिसांनी घटनास्थळ गाठून महिलेचा मृतदेह शवविच्छेदनासाठी शासकीय रुग्णालयात दाखल करण्यात आले. भायंदर येथील नवघर पोलीस ठाण्यात आरोपीविरुद्ध भादंवि कलम 302 (हत्या) अन्वये गुन्हा दाखल केला आहे. तर त्याने आपला गुन्हा कबूल केला आहे. आरोपीने सांगितले की, तो अनेकदा छोट्या-छोट्या गोष्टींवरून पत्नीशी भांडत होता.

विशेष म्हणजे अशीच एक घटना गुरुवारी घडली होती, ज्यामध्ये वेळेवर चहासोबत नाश्ता न दिल्याने संतापलेल्या सासऱ्याने सुनेवर गोळ्या झाडल्याचा आरोप नोंदवण्यात आला आहे. राबोडी भागातील रहिवासी असलेल्या 42 वर्षीय महिलेच्या पोटात गोळी लागल्याने शुक्रवारी सकाळी खासगी रुग्णालयात उपचारादरम्यान तिचा मृत्यू झाला, असे पोलिसांनी सांगितले आहे.