Sindhudurg News

सिंधुदुर्ग: बायकोने दारुसाठी पैसे न दिल्याने रागाच्या भरात पतीने आत्महत्या केल्याची घटना सिंधुदुर्ग जिल्ह्यातील वैभववाडीतून समोर आली आहे. आचिर्णे- बौद्धवाडी येथे शुक्रवारी दुपारी दोनच्या सुमारास ही घटना घडली. याप्रकरणी पोलिसांनी आकस्मिक मृत्यूची नोंद केलीय.

विलास धोंडू कदम (वय ५८, रा. आचिर्णे- बौद्धवाडी) असे मृत्यू झालेल्या व्यक्तीचे नाव आहे. विलास यांना दारुचे व्यसन होते. शुक्रवारी त्यांनी दारुसाठी पत्नीकडे ५० रुपयांची मागणी केली. कालच पैसे दिल्याचे कारण सांगत आज कोठून देऊन देऊ, असा सवाल पत्नीने उपस्थित केला. दरम्यान, यामुळे विलास यांना राग अनावर झाला.

पैशांची व्यवस्था करण्यासाठी पत्नी शेजारीच राहत असलेल्या जाऊकडे गेली. यावेळेत विलास यांनी टॉवेच्या मदतीने घराच्या लाकडी बारला गळफास घेऊन आत्महत्या केली. पत्नी पुन्हा घरात आली असता पतीचा मृतदेह लटकलेला दिसून आला. पत्नीने आरडाओरडा केल्यानंतर शेजारचे लोक गोळा झाले. ग्रामस्थांनी गळफास काढून विलास यांनी खाली उतरवले.

दरम्यान, तोपर्यत फार उशीर झाला होता. विलास यांच्या मृत्यू पश्चात पत्नी दोन मुले आणि एव विवाहित मुलगी असा परिवार आहे. याप्रकरणी वैभववाडी पोलिसांनी आकस्मिक मृत्यूची नोंद केली असून, अधिक तपास केला जात आहे.