Narendra Chapalgaonkar: विदर्भ साहित्य संघाच्या शताब्दी वर्षानिमित्त आयोजित अखिल भारतीय साहित्य महामंडळाच्या 96 व्या अखिल भारतीय मराठी साहित्य संमेलनाचे अध्यक्ष म्हणून माजी न्या. नरेंद्र चपळगावकर यांची निवड करण्यात आली आहे. मराठी साहित्यिक महामंडळाच्या अध्यक्षा उषा तांबे यांनी पत्रकार परिषदेत ही माहिती दिली. वर्धा येथे हे संमेलन होणार आहे.

साहित्य संमेलनासंदर्भात वर्धा येथे समितीच्या सदस्यांची बैठक झाली. या बैठकीला कार्यवाह डॉ. उज्ज्वला मेहेंदळे, कोषाध्यक्ष प्रकाश पागे, उपाध्यक्ष रमेश वंसकर, प्रदीप दाते यांच्यासह अनेक पदाधिकारी आणि सदस्यांची उपस्थिती होती.

मराठी भाषा, मराठी साहित्य, मराठी संस्कृती कशी वृद्धिंगत होईल याचा विचार करण्याचा हा काळ आहे. तोच विचार साहित्य संमेलनाच्या अध्यक्षपदातून करण्याची संधी मला या सन्मानाने दिली आहे, अशी प्रतिक्रिया न्या. नरेंद्र चपळगावकर यांनी दिली आहे.