Dance Viral Video

सोशल मीडियावर दररोज नवनवीन व्हिडिओ प्रचंड व्हायरल होत असतात. काही व्हिडिओ पाहून हसू येतं, काही व्हिडिओ हृदय पिळवटून टाकतात तर काही व्हिडिओ थेट मनाचा ठाव घेतात. सध्या असाच एक भन्नाट व्हिडिओ नेटीझन्समध्ये जबरदस्त गाजत असून त्याची चर्चा सर्वत्र सुरू आहे.

हा व्हिडिओ खास आहे कारण त्यात कोकणाच्या पारंपरिक रंगतदार मस्तीला आधुनिक ठेक्याची जोड मिळाली आहे. “माझ्या डोईवरी भरली घागर रे” या लोकप्रिय गाण्यावर कोकणातील काही तरुण पोरांनी असा धमाकेदार डान्स सादर केला आहे की, पाहणाऱ्यांचे पाय आपोआप ताल धरायला लागतात. सध्या हा व्हिडिओ सोशल मीडियावर धुमाकूळ घालत आहे.

या व्हिडिओमध्ये दिसणारी उत्स्फूर्तता पाहून नेटीझन्स अक्षरशः थक्क झाले आहेत. अनेकांनी कमेंट बॉक्समध्ये कौतुकाचा वर्षाव केला आहे. “खरा टॅलेंट गावातच आहे”, “एक नंबर परफॉर्मन्स”, “मस्त धमाल केली” अशा प्रतिक्रिया मोठ्या प्रमाणावर उमटत आहेत.

कोकण म्हटलं की निसर्गरम्य सौंदर्य, मालवणी भाषा, पारंपरिक खेळ आणि मस्ती आठवते. त्याचाच प्रत्यय या डान्स व्हिडिओमध्ये पाहायला मिळतोय. साधेपणातही किती मजा दडलेली असते याचं उत्तम उदाहरण या पोरांनी सादर केलं आहे. सध्या हा व्हिडिओ इन्स्टाग्राम, फेसबुक आणि युट्यूबवर प्रचंड व्हायरल झाला आहे.