सकाळी बारामतीतून एक धक्कादायक बातमी आपल्यासमोर आली होती की महाराष्ट्र राज्याचे उपमुख्यमंत्री अजित पवार यांच्या विमानाचा बारामतीत अपघात झाला आंणि त्यात त्यांचा दुःखद मृत्यू झाला. या घटनेमुळे महाराष्ट्र शोकाकुल झालेला आहे.

अजित पवार सकाळी मुंबईहून बारामतीसाठी एका बैठकीसाठी निघाले होते. मात्र, विमान उतरत असताना हा अपघात झाला. विमान धावपट्टीवरून घसरले आणि ते कोसळताच त्याला आग लागली. या अपघातात उपमुख्यमंत्री अजित पवार यांच्यासह सहा जणांचा मृत्यू झाला.

ही बातमी कळताच बारामती आणि आसपासचे नागरिक, अजित पवार दादांचे कार्यकर्ते इस्पितळाबाहेर जमले आहेत. अजूनही काही लोकांचा या बातमीवर विश्वास नाहीये. ही बातमी खोटी ठरावी आणि दादा समोर यावेत असे तिथे लोक अजूनही अश्रुपूर्ण डोळ्यांनी प्रार्थना करत आहेत.

अजित पवार यांच्या निधनाचे वृत्त समजताच देशभरातील राजकीय नेत्यांनी आणि विविध क्षेत्रांतील मान्यवरांनी तीव्र दुःख व्यक्त केले आहे. महाराष्ट्रात दुखवटा जाहीर करण्यात आला आहे.