मुंबई : गेले काही दिवस महाराष्ट्रात राजकिय वातावरण तापले असून शिवसेना आणि राणा दाम्पत्य या दोन गटांमध्ये तणाव निर्माण झाला असून दोन गटात तेढ निर्माण केल्याच्या आरोपाखाली खासदार नवनीत राणा आणि आमदार रवी राणा यांना शनिवारी अटक करण्यात आल्यानंतर आता १४ दिवसांची न्यायालयीन कोठडी सुनावण्यात आली आहे. यावरुन भाजपा नेते आक्रमक झाले असून त्यांनी ठाकरे सरकारवर जोरदार टीका केली आहे.या पार्श्वभूमीवर भाजप प्रदेशाध्यक्ष चंद्रकांत पाटील यांनी मुख्यमंत्री उद्धव ठाकरे यांच्यावर जोरदार टीका केली आहे.(Balasaheb Thackeray's son drowned Hindutva in Mithi river)

“उत्तम! हिंदू धर्मियांचा पवित्र “हनुमान चालिसा” म्हणणे हा शिवसेनेच्या राज्यात राजद्रोहाचा गुन्हा ठरला आहे. हिंदुहृदयसम्राट बाळासाहेब ठाकरे यांच्या चिरंजीवांनी साहेबांचं हिंदुत्व मिठी नदीत “बुडवून दाखवलं”!” असे चंद्रकांत पाटील यांनी आपल्या ट्विटमध्ये म्हटले आहे. सुनावणीच्या सुरुवातीला सरकारी वकीलाकडून राणा दाम्पत्याच्या सात दिवसांच्या पोलिस कोठडीची मागणी करत आली होती. त्यांच्या विरोधात १२४ अ अंतर्गत गुन्हा दाखल करण्यात आला.

https://www.youtube.com/watch?v=_Zma3hByaeMदुसरीकडे, राणा दाम्पत्याचे वकील रिझवान मर्चंट म्हणाले की, “राणा दाम्पत्याने राज्य सरकारच्या विरोधात वक्तव्य केल्याचे सिद्ध करणारा एकही पुरावा सरकारी वकील सादर करू शकले नाहीत. या लोकांना हनुमान चालिसाचे पठण करायचे होते आणि प्रार्थना करणे गुन्हा नाही. हनुमान चालिसामध्ये रामाची स्तुती केली आहे.देशात हनुमान चालीसा वाचणे गुन्हा ठरला असेल तर सर्व मंदिरांना टाळे ठोकले पाहिजेत.”