Maharashtra | Chandrapur: महाराष्ट्र-कर्नाटक सीमावादावरून सध्या जोरदार राजकारण रंगले आहे. तसेच, यावरून केंद्रीय स्तरावर देखील बैठका सुरू आहेत. बुधवारी रात्री कर्नाटकचे मुख्यमंत्री बसवराज बोम्मई आणि महाराष्ट्राचे मुख्यमंत्री एकनाथ शिंदे यांची गृहमंत्री अमित शहा यांची बैठक झाली. दरम्यान, महाराष्ट्र आणि तेलंगणा सीमेवर एक असं गाव आहे. ज्याची चर्चा सध्या सोशल मिडियावर होत आहे.

(A house in Maharajguda village, Chandrapur is spread b/w Maharashtra & Telangana)

चंद्रपूरच्या महाराजगुडा (Maharajguda village) गावातलं दहा खोल्यांचं हे घर. अजब बाब म्हणजे हे घर चक्क दोन राज्यांमध्ये विभागलेलं आहे. या घराचा हॉल महाराष्ट्रात, तर किचन चक्क तेलंगणा राज्यात आहे. चंदू पवार आणि उत्तम पवार हे दोघे भाऊ सहकुटुंब सहपरिवार या घरात राहतात.

चंदू पवार आणि उत्तम पवार यांच्या कुटुंबात कसलाही वाद नाही. मात्र हे घर आपल्याच हद्दीत असल्याचा दावा तेलंगणा सरकारही करतं आणि महाराष्ट्र सरकारही. तेलंगणा राज्यानं निश्चित केलेली सीमा या घराच्या बरोबर मधून जात असल्यानं हे घर चर्चेत आलंय. 1969 साली सीमा सर्वेक्षण करण्यात त्यावेळी या घराचा अर्धा भाग महाराष्ट्रात राहिला तर अर्धा भाग तेलंगणात गेला. आम्हाला कोणत्याही समस्यांचा सामना करावा लागत नाही. दोन्ही राज्यांना कर आम्ही भरतो. असे उत्तम पवार म्हणाले.