Salary of IPL Commentators : क्रिकेट हा प्रत्येक भारतीयाचा अत्यंत जिव्हाळ्याचा विषय आहे. त्यामुळेच आयपीएल सुरू होण्याची अनेकजण आतुरतेने वाट पाहत असतात. आयपीएलमध्ये आपल्या आवडत्या खेळाडूला पाहणे हे जितके आवडीचे आहे तितकाच आवडीचा विषय असतो आयपीएलमधील कॉमेंट्री ऐकणे. मात्र आयपीएलमध्ये कॉमेंट्री करणाऱ्यांना नेमके किती मानधन दिले जाते, याची माहिती जाणून घेऊया.

यंदाच्या आयपीएल हंगामासाठी एकूण 8 भाषांमध्ये कॉमेंट्री होणार असून त्यासाठी जवळपास 80 जणांची निवड करण्यात आली आहे. तब्बल दोन महिने चालणाऱ्या या हंगामासाठी अनुभवी, आवडते चेहरे तसेच काही नवोदित कॉमेंटेटर आपल्याला दिसणार आहेत.

माहितीनुसार, आयपीएलमध्ये कॉमेंट्री करणाऱ्या कॉमेंटेटर्सना कोट्यवधींच्या घरात मानधन दिले जाते. इंग्रजी भाषेतील कॉमेंट्री करणाऱ्यांना सर्वाधिक मानधन दिले जाते. कारण त्यांना संपूर्ण जगभर ऐकले जाते. त्या खालोखाल हिंदी आणि त्यानंतर स्थानिक भाषांतील कॉमेंट्रीसाठी मानधन असते. स्थानिक भाषांतील कॉमेंट्रीसाठी 70 लाखांपर्यंत मानधन दिले जाते. 2022च्या आयपीएलसाठी कमीत कमी 2 कोटी ते जास्तीत जास्त 7 कोटींपर्यंतचे मानधन देण्यात आले आहे.