विम्बल्डन 2021 (Wimbledon 2021) स्पर्धेचे विजेतेपद अग्रमानांकित सर्बियाच्या नोव्हाक जोकोव्हिचने (Novak Djokovic) आपल्या खिशात टाकले आहे. मागील काही दिवसांपूर्वी फ्रेंच ओपन पटकावणाऱ्या जोकोव्हिचने विम्बल्डनच्या अंतिम फेरीमध्ये इटलीच्या अगदी नवख्या माटिओ बेरेट्टिनीचा (Matteo Berrettini) दारुण पराभव केला होता. हे सहावे विम्बल्डन आणि 20 वे ग्रॅंडस्लॅम आहे. यासह जोकोविचने सर्वाधिक ग्रॅंडस्लम जिंकणारा रॉजर फेडरर आणि राफेल नदाल यांच्याशी बरोबरी साधली आहे.

जागतिक क्रमावारीमध्ये नवव्या स्थानी असलेला बेरेट्टीनी हा विम्बल्डनच्या अंतिम फेरी गाठणारा इटलीचा पहिला वहिला टेनिसपटू ठरला आहे. त्याने जेतेपद पटकावले असते, तर एड्रियाने पानाट्टा यांच्यानतर ग्रॅंडस्लॅम जिंकणारा तो इटलीचा दुसरा टेनिसपटू ठरला असता. मात्र जोकोव्हिचने त्याच्या या स्वप्नाला साध्य करण्याची संधी हिरावून घेतली. बेरेट्टीनीने याआगोदरच्या नोव्हाक जोकोव्हिचविरुध्द दोन लढती गमावल्या असल्या तरी दुसरीकडे हिरवळीवर त्याने उत्तम कामगिरी केली होती.