India Vs New Zealand 2nd ODI: टीम इंडिया रायपूरमध्ये न्यूझीलंड विरुद्ध दुसरा वनडे सामना खेळत आहे. नाणेफेक जिंकल्यानंतर कर्णधार रोहित शर्माने गोलंदाजी करण्याचा निर्णय घेतला, जो योग्य ठरला. शहीद व्ही नारायण सिंग आंतरराष्ट्रीय स्टेडियमवर होणारा हा पहिलाच आंतरराष्ट्रीय सामना आहे. रोहित शर्माने गोलंदाजी निवडल्यानंतर भारतीय गोलंदाजांनी न्यूझीलंडची फलंदाजी उद्ध्वस्त करण्यात कोणतीही कसर सोडली नाही.
दरम्यान, वेगवान गोलंदाज मोहम्मद शमीने पहिल्याच षटकात न्यूझीलंडच्या ओपनरला पॅव्हेलियनचा रस्ता दाखवला. त्याच्या धडाकेबाज गोलंदाजीसमोर न्यूझीलंडच्या (New Zealand) सलामीवीरांना कात टाकली. भारताला पहिले यश मिळाले. शमीला खेळपट्टीची चांगली मदत मिळाली. शमीला पहिल्या चेंडूपासूनच स्विंग मिळत होता.
फिन ऍलन हा एक तुफानी फलंदाज असून पहिल्या एकदिवसीय सामन्यात त्याने विस्फोटक फलंदाजी केली होती. परंतु दुसऱ्या एकदिवसीय सामन्यात मोहम्मद शमीने (Mohammed Shami) त्याला खातेही उघडू दिले नाही आणि पहिल्याच षटकात त्याला आऊट केले. तर, चौथ्या षटकात त्याने डॅरेल मिशेलचा खेळ संपवला. मिशेलने शमीकडे झेल सोपवला.
यानंतर शमीने मागील सामन्यात शतक झळकावून सामना रोमांचक करणाऱ्या मायकेल ब्रेसवेलला बाद केले.
तसेच, रायपूरमध्ये खेळल्या जात असलेल्या या सामन्यात टीम इंडियाने आपल्या प्लेइंग 11 मध्ये छेडछाड केलेली नाही. पहिल्या वनडेत संघाला विजय मिळवून देणाऱ्या खेळाडूंना दुसऱ्या वनडेतही संधी देण्यात आली आहे. त्याचबरोबर न्यूझीलंडनेही आपल्या संघात कोणताही बदल केलेला नाही.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.