ऑस्ट्रेलियाचा सलामीवीर मार्कस हॅरिस (Marcus Harris) आणि इंग्लंडचा स्टार अष्टपैलू बेन स्टोक्स (Ben Stokes) यांच्यातील संभाषण स्टंप माईकवर रेकॉर्ड करण्यात आले आहे, ज्याचा व्हिडिओ (Video) सोशल मिडियावर प्रचंड व्हायरल होत आहे. या व्हिडिओमध्ये तुम्ही ऐकू शकता की हॅरिस कसे विनोदी पद्धतीने Drs ला शिव्या देत आहे. यादरम्यान त्याच्या तोंडून अपशब्दही निघाले, ज्याची सोशल मीडियावरही जोरदार चर्चा होत आहे. अॅशेस मालिकेतील तिसर्‍या कसोटीच्या दुसऱ्या दिवशी हॅरिसला ऑनफिल्ड अंपायरने स्टोक्सच्या बॉलवर आऊट दिले, पण फलंदाजाने डीआरएस घेतला आणि त्यानंतर अंपायरला आपला निर्णय बदलावा लागला.

जेव्हा हॅरिस (Marcus Harris) नॉन स्ट्रायकरच्या शेवटी आला तेव्हा स्टोक्सने (Ben Stokes) त्याला विचारले की काय झाले? त्यानंतर हॅरिसने त्याला संपूर्ण कथा सांगितली आणि शेवटी डीआरएसबद्दल अपशब्द वापरले, ज्याची सोशल मीडियावर खूप चर्चा होत आहे. असे केल्याने हॅरिसला दंड होवू शकतो का? असा प्रश्न उपस्थित होतो आहे.

ऑस्ट्रेलिया टिम ऍशेस मालिकेत (Ashes Series) 2-0 ने आघाडीवर आहे. तिसऱ्या कसोटीच्या पहिल्या दिवशी इंग्लंडचा संघ 185 धावांत गुंडाळल्यानंतर ऑस्ट्रेलियन फलंदाजही संघर्ष करताना दिसले. ऑस्ट्रेलियाने 104 धावांत चार महत्त्वपूर्ण विकेट गमावल्या. डेव्हिड वॉर्नर, नॅथन लियॉन, मार्नस लॅबुशेन आणि स्टीव्ह स्मिथ पॅव्हेलियनमध्ये परतले आहेत. हॅरिसने आतापर्यंत शानदार फलंदाजी केली आहे.