South Africa vs India PTI
क्रीडा

SA vs IND, Test: भारताची द. आफ्रिका काबीज करण्याची संधी पुन्हा हुकली, 9व्यांदा मालिका जिंकण्यात अपयश; पाहा निकाल

South Africa vs India Test Series: भारतीय संघाची दक्षिण आफ्रिकेत कसोटी मालिकेत विजय मिळवण्याची संधी 9 व्यांदा हुकली.

Pranali Kodre

South Africa vs India, 1st Test Match at Centurion:

भारताविरुद्ध दक्षिण आफ्रिकेने गुरुवारी (28 डिसेंबर) दोन सामन्यांच्या कसोटी मालिकेतील पहिल्या सामन्यात एक डाव आणि 32 धावांनी विजय मिळवला. सेंच्युरियनला झालेल्या या बॉक्सिंग डे कसोटीत दक्षिण आफ्रिकेने तिसऱ्याच दिवशी विजयाची नोंद केल्याने मालिकेत 1-0 अशी आघाडी घेतली.

मात्र, या पराभवामुळे भारताचे दक्षिण आफ्रिकेत कसोटी मालिका जिंकण्याचे स्वप्न मात्र पुन्हा एकदा भंगले. ही दोनच सामन्यांची मालिका आहे, त्याचमुळे पहिला सामना दक्षिण आफ्रिकेने जिंकल्याने भारतीय संघाला मालिका विजयाची संधी नाही.

भारतीय संघाने जर केपटाऊनला होणारा दुसरा सामना जिंकला, तर मालिकेत बरोबरी होऊ शकते. तसेच दुसरा सामना पराभूत झाला किंवा अनिर्णित राहिला, तर दक्षिण आफ्रिका मालिकेत विजय मिळवेल. त्याचमुळे भारताची दक्षिण आफ्रिकेत कसोटी मालिका जिंकण्याची प्रतिक्षा कायम राहिली आहे.

दरम्यान, ही दक्षिण आफ्रिकेविरुद्ध दक्षिण आफ्रिकेतील भारताची नववी कसोटी मालिका आहे. यापूर्वी झालेल्या आठही कसोटी मालिकेत भारताने विजय मिळलेला नाही. या आठ मालिकांपैकी 7 मालिकांमध्ये दक्षिण आफ्रिकेने विजय मिळवला आहे, तर एकदाच या दोन संघातील मालिका बरोबरीत सुटली आहे.

2010-11 साली झालेली कसोटी मालिका बरोबरीत सुटली होती. याव्यतिरिक्त 1992-93, 1996-97, 2001-02, 2006-07, 2013-14, 2017-18 आणि 2021-22 या वर्षात भारताला दक्षिण आफ्रिकेत कसोटी मालिकेत पराभव स्विकारावा लागला होता.

साल 2023 पूर्वीच्या दक्षिण आफ्रिकेतील भारताच्या कसोटी मालिका

1992-93 -

  • चार सामन्यांच्या कसोटी मालिकेत दक्षिण आफ्रिकेने भारताला 1-0 अशा फरकाने पराभूत केले होते.

1996-97 -

  • तीन सामन्यांच्या कसोटी मालिकेत दक्षिण आफ्रिकेने भारताला 2-0 अशा फरकाने पराभूत केले.

2001-02 -

  • दोन सामन्यांच्या कसोटी मालिकेत दक्षिण आफ्रिकेने भारताला 1-0 अशा फरकाने पराभूत केले.

2006-07 -

  • तीन सामन्यांच्या कसोटी मालिकेत दक्षिण आफ्रिकेने भारताला 2-1 अशा फरकाने पराभूत केले.

2010-11

  • दक्षिण आफ्रिका आणि भारत यांच्यातील तीन सामन्यांच्या कसोटी मालिकेत 1-1 अशी बरोबरी झाली होती.

2013-14

  • दोन सामन्यांच्या कसोटी मालिकेत दक्षिण आफ्रिकेने भारताला 1-0 अशा फरकाने पराभूत केले.

2017-18

  • तीन सामन्यांच्या कसोटी मालिकेत दक्षिण आफ्रिकेने भारताला 2-1 अशा फरकाने पराभूत केले.

2021-22

  • तीन सामन्यांच्या कसोटी मालिकेत दक्षिण आफ्रिकेने भारताला 2-1 अशा फरकाने पराभूत केले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

PAK Fan Controversy Statement: पाकिस्तानचा 'सनकी' चाहता! हारिस रौफला भेटला अन् म्हणाला, "बदला लेना, इंडिया को छोड़ना नहीं..." Watch Video

Goa Children Court: पोटच्या 20 वर्षीय मुलीचा खून करणाऱ्या बापाला जन्मठेप, आठ वर्षानंतर लागला निकाल

आम्ही देशप्रेमी, तू देशद्रोही! गोव्यात आणखी एका सामाजिक कार्यकर्त्याला धमकी, BJP नेत्याने धमकीचा फोन केल्याचा आरोप

Goa Live Updates: साखळीत वृद्ध भाजीविक्रेत्या महिलेला लुबाडले

E-Waste: प्रत्येक नव्या खरेदीमागे जुन्या उपकरणांचा कचरा वाढतो, तोच ढीग गंभीर समस्या म्हणून उभा राहतो; ई-कचऱ्याचा विळखा

SCROLL FOR NEXT