अखेर ठरलं. भारत (India) आणि पाकिस्तान (Pakistan) एकमेकांशी येत्या 24 ऑक्टोबर रोजी दुबईत (Dubai) भिडतील. टी-२० वर्ल्डकपमध्ये (T20 World Cup) हे प्रतिस्पर्धी संघ एकाच गटात आले आहेत.

ICC ने मंगळवारी ऑक्टोबर मध्ये होणाऱ्या टी२० वर्ल्ड कप चे वेळापत्रक जाहीर केले.

भारत आणि पाकिस्तान यांच्यातील ही लढत एक हायव्होटेज असणार यात शंका नाही.

टी20 वर्ल्ड कपची सुरुवात येत्या 17 ऑक्टोबरपासून UAE मध्ये होईल. 2019 मध्ये आयसीसीच्या वन डे विश्वचषकात भारत- पाकिस्तान संघात शेवटचा आंतरराष्ट्रीय सामना पार पडला होता. या सामन्यात देखील भारताने पाकिस्तानचा धुव्वा उडवला होता. आता मात्र दोन वर्षानंतर पुन्हा एकदा भारत आणि पाकिस्तान टी-२० वर्ल्डकपसाठी एकमेकांसमोर येतील. आतापर्यंत झालेल्या 6 टी-२० वर्ल्डकप मध्ये फक्त दोन वेळा 2009 आणि 2010 मध्ये या दोन्ही प्रतिस्पर्ध्यांमध्ये सामने झाले नाहीत. 2007च्या टी-२० वर्ल्डकप मध्ये दोन्ही संघांत फायनलसह दोन लढती झाल्या होत्या. २०१२ मध्ये देखील सुपर-8 आणि 2014 व 2016 मध्ये ग्रुप स्टेज मध्ये या दोन्ही संघात सामने झाले होते.

दुसऱ्या बाजूला आयसीसीने या वर्षाच्या टी-२० वर्ल्डकपसाठीचे दोन ग्रुप आधीच जाहीर केले होते. ग्रुप १ मध्ये इंग्लंड, ऑस्ट्रेलिया, दक्षिण आफ्रिका आणि वेस्ट इंडिज हे संघ आहेत तर ग्रुप २ मध्ये भारतासह पाकिस्तान, न्यूझीलंड, अफगाणिस्तान हे संघ आहेत.

फेरी 1 (पात्रता टप्पा):

गट अ: श्रीलंका, आयर्लंड, नेदरलँड, नामिबिया

गट ब: बांगलादेश, स्कॉटलंड, पापुआ न्यू गिनी, ओमान

सुपर 12s (अंतिम फेरी):

गट 1: ऑस्ट्रेलिया, इंग्लंड, दक्षिण आफ्रिका, वेस्ट इंडीज, ए 1, बी 2

गट 2: भारत, पाकिस्तान, न्यूझीलंड, अफगाणिस्तान, बी 1, ए 2

भारताचे सामने:

• भारत विरुद्ध पाकिस्तान- 24ऑक्टोबर

• भारत विरुद्ध न्यूझीलंड- 31ऑक्टोबर

• भारत विरुद्ध अफगाणिस्तान- 3 नोव्हेंबर

• भारत विरुद्ध ग्रुप B१- 5 नोव्हेंबर

• भारत विरुद्ध ग्रुप A२- 8 नोव्हेंबर

वेळापत्रक जाहीर झाल्यानंतर क्रिकेट चाहत्यांमध्ये एक उत्साहचं वातावरण आहे.