Team India: टीम इंडियाच्या सर्वात मोठ्या 'शत्रू'चे अचानक नशीब पालटले आहे. टीम इंडियाचा हा सर्वात मोठा 'शत्रू' अचानक क्रीडामंत्री झाला आहे. वास्तविक, 2011च्या विश्वचषक उपांत्य फेरीत भारतीय संघासाठी अडचणीचा ठरलेला पाकिस्तानचा वेगवान गोलंदाज वहाब रियाझ पाकिस्तानच्या पंजाब प्रांताचा कार्यवाहक क्रीडामंत्री बनला आहे.

दरम्यान, पाकिस्तान क्रिकेट संघातून बराच काळ बाहेर असलेला वेगवान गोलंदाज वहाब रियाझने क्रीडा क्षेत्रात सक्रिय असतानाच राजकारणात प्रवेश केला. आता त्याला पंजाब प्रांताचा कार्यवाहक क्रीडामंत्री बनवण्यात आले.

टीम इंडियाच्या सर्वात मोठ्या 'शत्रू'चे नशीब अचानक पालटले

वहाब रियाझ हा पाकिस्तान क्रिकेट संघाचा तोच वेगवान गोलंदाज आहे, ज्याने 2011 च्या विश्वचषक स्पर्धेत भारताविरुद्धच्या (India) उपांत्य फेरीत 46 धावा देऊन भारताच्या 5 दिग्गज फलंदाजांना बाद केले होते.

वहाब रियाझने या काळात वीरेंद्र सेहवाग (38 धावा), विराट कोहली (9 धावा), युवराज सिंग (0 धावा), महेंद्रसिंग धोनी (25 धावा) आणि झहीर खान (9 धावा) यांना बाद केले होते. रियाझ सध्या बांगलादेश प्रीमियर लीगमध्ये खेळत आहे. मायदेशी परतल्यानंतर तो मंत्रीपदाची शपथ घेणार आहे.

क्रीडामंत्री झाला

37 वर्षीय वहाब रियाझला पेशावर झल्मीने यावर्षीच्या पाकिस्तान (Pakistan) सुपर लीगसाठी संघात कायम ठेवले आहे. क्रीडामंत्री म्हणून नियुक्ती असूनही तो आपली वचनबद्धता पूर्ण करेल अशी अपेक्षा आहे. रियाझने 2020 मध्ये शेवटचे पाकिस्तानचे प्रतिनिधित्व केले होते. पाकिस्तान क्रिकेट संघासाठी वहाबने 27 कसोटी, 92 एकदिवसीय आणि 36 टी-20 आंतरराष्ट्रीय सामने खेळले आहेत. तो पीएसएलमध्ये सर्वाधिक 103 बळी घेणारा गोलंदाज आहे.