Shubman Gill - Virat Kohli Instagram
क्रीडा

Shubman Gill: '14 वर्षांचा असताना विराट भाईला पुरस्कार...', BCCI चा सर्वोत्तम क्रिकेटर ठरलेल्या गिलची स्पेशल पोस्ट

BCCI Awards: शुभमन गिलने बीसीसीआयचा 2022-23 हंगामाचा सर्वोत्तम क्रिकेटर पुरस्कार जिंकल्यानंतर एक खास पोस्ट शेअर केली आहे.

Pranali Kodre

Shubman Gill Social Media Post after winning best Cricketer of the Year 2022-23:

भारतीय क्रिकेट नियामक मंडळाचा (BCCI) पुरस्कार सोहळा मंगळवारी (23 जानेवारी) हैदराबादमध्ये पार पडला. चार वर्षांच्या अंतराने हा पुरस्कार सोहळा झाला. कोविडमुळे गेली चार वर्षे या पुरस्कार सोहळ्यात खंड पडला होता. मात्र मंगळवारी गेल्या चारही वर्षातील पुरस्कार देण्यात आले.

दरम्यान, भारतीय संघाचा सध्याचा प्रिन्स म्हणून ओळखल्या जाणाऱ्या शुभमन गिलला 2022-23 हंगामातील सर्वोत्तम पुरुष क्रिकेटपटूचा पॉली उम्रीगर पुरस्कार मिळाला. त्याला बीसीसीआयचे सचिव जय शाह यांच्या हस्ते हा पुरस्कार देण्यात आला.

हा पुरस्कार स्विकारल्यानंतर 24 वर्षीय गिल भावूक झाला होता. यावेळी त्याने सोशल मीडियावर पोस्ट शेअर करताना जवळपास 10 वर्षांपूर्वीची एक जुनी आठवण शेअर केली आहे.

त्याने तो 14 वर्षांचा असताना विराट कोहलीबरोबरचा बीसीसीआयच्या पुरस्कार सोहळ्यातील फोटो शेअर केला आहे. त्यात विराटला सर्वोत्तम क्रिकेटपटूचा पुरस्कार मिळालेला दिसत आहे.

ही पोस्ट शेअर करताना गिलने लिहिले आहे की 'अनेक आठवणी ताज्या झाल्या. १४ वर्षांचा असताना इथे येऊन माझे आदर्श असलेल्यांना आणि दिग्गजांना मी पहिल्यांदा भेटत होतो. विराट भाईला सर्वोत्तम क्रिकेटपटूचा पुरस्कार जिंकलेला पाहिला होता, जे माझ्यासाठी अविस्मरणीय आहे. माझ्यासाठी ती पुढे जाण्यासाठी आणि माझ्या देशासाठी सर्वोत्तम देण्यासाठी प्रेरणा होती.'

दरम्यान, आता 10 वर्षांनी गिलने सर्वोत्तम पुरस्कार आपल्या नावावर केला आहे. गिलसाठी 2022-23 हे वर्ष शानदार राहिले. त्याने या हंगामात 25 आंतरराष्ट्रीय सामन्यांमध्ये 1325 धावा केल्या आहेत. त्याने न्यूझीलंडविरुद्धच्या वनडे सामन्यांत 208 धावांची खेळी केली होती.

तथापि, 2019-20 हंगामासाठी मोहम्मद शमीने, 2020-21 हंगामासाठी आर अश्विनने, तर 2021-22 हंगामासाठी जसप्रीत बुमराह यांनी पॉली उम्रीगर ट्रॉफी जिंकली. या तिघांनाही मंगळवारी हा पुरस्कार देण्यात आला.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

International Purple Festival 2025: 9 ऑक्टोबरपासून पणजीत रंगणार आंतरराष्ट्रीय पर्पल फेस्टिव्हल, नोंदणी अनिवार्य; जाणून घ्या स्थळ, थीम आणि प्रमुख आकर्षणे

Viral Video: स्टाईल मारत रील बनवणाऱ्या कपलचा जीवावर बेतणारा थरार व्हायरल, नेटकऱ्यांनी घेतली शाळा; म्हणाले, 'लो भाई हो गया कांड'!

Goa Crime: पणजीत खळबळ! बसस्थानकाजवळ आढळला छत्तीसगडच्या 22 वर्षीय तरुणीचा मृतदेह; परिसरात भीतीचे वातावरण

AUS W vs PAK W: भारतीय वंशाच्या अलाना किंगची कमाल, पाकिस्तानविरुद्धच्या सामन्यात रचला नवा इतिहास; मोडला 22 वर्ष जुना रेकॉर्ड

IND U19 vs AUS U19: 18 षटकार, 257 धावा! 14 वर्षीय 'वैभव' सूर्यवंशीचं ऑस्ट्रेलियात वादळ; युथ टेस्ट आणि वनडेत केला मोठा धमाका

SCROLL FOR NEXT