Saurashtra Cricket Association Stadium renamed X/BCCI
क्रीडा

IND vs ENG: तिसऱ्या कसोटीपूर्वी बदलले राजकोटमधील स्टेडियमचे नाव; जडेजा, पुजारासह सौराष्ट्रच्या खेळाडूंचाही सन्मान

SCA Stadium: भारत विरुद्ध इंग्लंड संघातील तिसऱ्या कसोटीपूर्वी सौराष्ट्र क्रिकेट असोसिएशन स्टेडियमचे नाव बदलण्यात आले आहे.

Pranali Kodre

Saurashtra Cricket Association Stadium renamed:

भारत विरुद्ध इंग्लंड संघात कसोटी मालिकेतील तिसरा सामना राजकोटला गुरुवारपासून (15 फेब्रुवारी) सुरू झाला आहे. दरम्यान, या सामन्याच्या पूर्वसंध्येला म्हणजेच बुधवारी (14 फेब्रुवारी) राजकोटमधील सौराष्ट्र क्रिकेट असोसिएशन स्टेडियमचे नाव बदलण्यात आले.

बुधवारी सौराष्ट्र क्रिकेट असोसिएशनने नाव बदण्याचा कार्यक्रम आयोजित केला होता. यावेळी सौराष्ट्राचे माजी क्रिकेटपटू आणि क्रिकेट प्रशासक निरंजन शाह यांच्या सन्मानार्थ या स्टेडियमचे नाव बदलून निरंजन शाह स्टेडियम असे ठेवण्यात आले.

निरंजन शाह हे सौराष्ट्राचे माजी प्रथम श्रेणी क्रिकेटपटू आहेत. तसेच त्यांनी सौराष्ट्र क्रिकेट असोसिएशनचे सचिवपदही सांभाळले आहे. ते बीसीसीआयचेही माजी सचिव राहिले आहेत. निरंजन शाह यांनी 1965 ते 1975 साला दरम्यान 12 प्रथम श्रेणी सामने खेळले असून यात त्यांनी 281 धावा केल्या होत्या.

दरम्यान, या नाव बदलण्याच्या कार्यक्रमाची झलक दाखवणारा एक व्हिडिओ बीसीसीआयनेही सोशल मीडियावर शेअर केला आहे.

या कार्यक्रमासाठी भारतीय संघाचा कर्णधार रोहित शर्मा, मुख्य प्रशिक्षक राहुल द्रविड यांच्यासह रविंद्र जडेजा, अक्षर पटेल, मोहम्मद सिराज, रविंद्र जडेजा असे अनेक खेळाडू आणि सपोर्ट स्टाफही उपस्थित होता.

याशिवाय बीसीसीआयचे सध्याचे सचिव जय शाह आणि भारतीय पुरुष संघाच्या निवड समितीचे अध्यक्ष अजित अगरकर, भारताचे माजी क्रिकेटपटू सुनील गावसकर हे देखील उपस्थित होते.

या कार्यक्रमावेळी सौराष्ट्राचे खेळाडू चेतेश्वर पुजारा, रविंद्र जडेजा, जयदेव उनाडकट यांचाही सन्मान करण्यात आला. भाकताचे माजी कर्णधार अनिल कुंबळे आणि सुनील गावसकर यांनी सौराष्ट्राकडून नजीकच्या काळात मोठे यश मिळवणाऱ्या खेळाडूंचाही सन्मान केला.

या स्टेडियममध्ये आत्तापर्यंत 11 आंतरराष्ट्रीय सामने खेळवण्यात आले आहेत. यामध्ये 2 कसोटी, 4 वनडे आणि 5 आंतरराष्ट्रीय टी20 सामने खेळवण्यात आले आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

PAK Fan Controversy Statement: पाकिस्तानचा 'सनकी' चाहता! हारिस रौफला भेटला अन् म्हणाला, "बदला लेना, इंडिया को छोड़ना नहीं..." Watch Video

Goa Children Court: पोटच्या 20 वर्षीय मुलीचा खून करणाऱ्या बापाला जन्मठेप, आठ वर्षानंतर लागला निकाल

आम्ही देशप्रेमी, तू देशद्रोही! गोव्यात आणखी एका सामाजिक कार्यकर्त्याला धमकी, BJP नेत्याने धमकीचा फोन केल्याचा आरोप

Goa Live Updates: साखळीत वृद्ध भाजीविक्रेत्या महिलेला लुबाडले

E-Waste: प्रत्येक नव्या खरेदीमागे जुन्या उपकरणांचा कचरा वाढतो, तोच ढीग गंभीर समस्या म्हणून उभा राहतो; ई-कचऱ्याचा विळखा

SCROLL FOR NEXT