भारतीय क्रिकेट नियामक मंडळाचे अध्यक्ष सौरव गांगुली (Sourav Ganguly) आणि भारतीय क्रिकेट संघाचा कसोटी कर्णधार विराट कोहली (Virat Kohli) यांच्यातील परस्परविरोधी विधानांमुळे वाद निर्माण झाला आहे. कोहलीने नुकत्याच झालेल्या पत्रकार परिषदेत बोर्ड अध्यक्ष सौरव गांगुलीच्या टी-20 कर्णधारपदावरुन पायउतार होण्याच्या निर्णयावरील विधान चुकीचे असल्याचे म्हटले होते. यात त्याने म्हटले होते की, मला कर्णधारपद सोडण्यापासून कोणीही रोखले नाही. तेव्हापासून बोर्ड आणि कर्णधार आमनेसामने आहेत. मात्र, सौरव गांगुलीने कोणतेही वक्तव्य करण्याऐवजी बीसीसीआय (BCCI) याला सामोरे जाईल एवढेच सांगितले होते, मात्र आता गांगुलीने कोहलीच्या वृत्तीबद्दल मोठे वक्तव्य केले असून तो खूप भांडतो, असे म्हटले आहे.

एबीपी न्यूज या वृत्तवाहिनीच्या वृत्तानुसार, बीसीसीआयचे अध्यक्ष सौरव गांगुली यांनी शनिवारी 18 डिसेंबर रोजी एका कार्यक्रमादरम्यान ही माहिती दिली. गुरुग्राममध्ये झालेल्या एका कार्यक्रमात भारताचा माजी कर्णधार गांगुलीने कोहलीबद्दल ही मोठी गोष्ट सांगितली.

कोहलीची एटीट्यूड चांगला आहे, पण तो खूप लढतो

खरं तर, या कार्यक्रमादरम्यान, कोणत्या क्रिकेटपटूची वृत्ती सर्वात जास्त आवडते अस प्रेक्षकांमधून विचारले असता गांगुली म्हणाला, "मला विराट कोहलीची एटीट्यूड खूप आवडते, पण तो खूप भांडतो." याशिवाय गांगुलीला असेही विचारण्यात आले की, तो आयुष्यात इतका तणाव कसा सहन करतो, तेव्हा तो गमतीने गांगुली म्हणाला- “आयुष्यात तणाव नाही. तणाव फक्त पत्नी आणि मैत्रीणी देतात.

पत्रकार परिषद नाही, निवेदन नाही

सध्या कोहलीच्या मुद्द्यावर बोर्ड अद्याप कोणतीही प्रतिक्रिया देण्यास तयार नाही. 15 डिसेंबर रोजी कोहलीच्या पत्रकार परिषदेमुळे झालेल्या गोंधळानंतर बीसीसीआयने मुख्य निवडकर्ता चेतन शर्मा (Chetan Sharma) यांच्या पत्रकार परिषदेद्वारे उत्तर देण्याची तयारी केली होती, परंतु नंतर ती थांबवण्यात आली. रिपोर्ट्समध्ये असा दावा करण्यात आला आहे की, कोहलीच्या उत्तरांमुळे बोर्डात प्रचंड नाराजी आहे आणि गांगुलीही स्वतः खूप नाराज आहे. तथापि, टीम इंडियाच्या महत्त्वाच्या दक्षिण आफ्रिका (South Africa) दौऱ्यापूर्वी बीसीसीआयला या वादाचा पाठपुरावा करायचा नाही. पुढे गांगुलीने असेही म्हटले होते की, बोर्ड या प्रकरणी कोणतीही पत्रकार परिषद किंवा प्रेस रिलीज जारी करणार नाही.