साताऱ्याने (Satara) आज पर्यंत देशाला वेगवेळ्या क्षेत्रांत अनेक मोठी माणस दिली आहेत. त्यातच आता फलटण तालुक्यातील सरडे या गावातील प्रविण जाधवची (Pravin Jadhav) टोकियो मध्ये होणाऱ्या ऑलिम्पिक स्पर्धेसाठी (Tokyo Olympics 2020) धनुर्विद्या या खेळ प्रकारात निवड झाली असल्याची माहीती मिळाली आहे . त्यामुळे आता सातारकरांची मान अभिमानाने उंचावली आहे. (Pravin Jadhav from satara was selected for the Olympics in the archery category)

अतिशय गरीब कुटुंबात सरडे या गावात प्रविणचा जन्म झाला. घरची परिस्थिती अतिशय हालाखीची असुन प्रवीणचे वडील मजुरी करुन घरगाडा चालवतात. या सगळ्या परिस्थितीवर मात करुन प्रविण ऑलिम्पिक मध्ये पोहोचल्याने सर्वांसाठीच हे एक प्रेरणादायी उदाहरण ठरणार आहे.

धनुर्विद्यात प्रवीणचे असलेल कौशल्य पाहुन फलटण मधील प्रशिक्षक विकास भुजब यांनी प्रविण ला पहिल्यांदा धनुर्विद्ये चे धडे दिले होते. एवढ्यावरच न थांबता त्याच्या निवडीसाठी सुद्धा भुजबळ यांनी मोठे प्रयत्न केले आहेत. या आधी सुद्धा प्रविणने बरीच पदके देशाला जिंकुन दिली असुन 10 वेळा भारताचे प्रतिनिधित्व केले आहे. ऑलिम्पिकमध्ये आपल्या देशाचे प्रतिनिधीत्व करत देशाला सुवर्ण पदक मिळवुन देण्याचे त्याचे स्वप्न देखील आता लवकरत पुर्णत्वास येणार आहे.