World Cup 2023: एकदिवसीय विश्वचषक 2023 चा 37 वा सामना आज (5 नोव्हेंबर) ईडन गार्डन्सवर खेळला गेला. या रोमांचक सामन्यात भारतीय संघाचा सामना दक्षिण आफ्रिकेच्या संघाशी झाला.
मेन इन ब्लू संघाने या सामन्यात 243 धावांनी दणदणीत विजय मिळवला. या सामन्यादरम्यान स्टार अष्टपैलू खेळाडू रवींद्र जडेजाने मोठी कामगिरी आपल्या नावावर केली. खालच्या क्रमवारीत फलंदाजी करताना त्याने 15 चेंडूत नाबाद 29 धावांची मौल्यवान खेळी खेळली.
दरम्यान, गोलंदाजीतही जडेजाने आपला ठसा उमटवला. भारतीय संघासाठी नऊ षटके गोलंदाजी करताना, त्याने 3.66 च्या इकॉनॉमीने 33 धावा देऊन सर्वाधिक पाच विकेट्स घेतल्या. त्याच्या विकेट्समध्ये दक्षिण आफ्रिकेचा (South Africa) कर्णधार टेम्बा बावुमा, हेन्रिच क्लासेन, डेव्हिड मिलर, केशव महाराज आणि कागिसो रबाडा यांचा समावेश आहे.
या सामन्यादरम्यान रवींद्र जडेजाने (Ravindra Jadeja) विशेष कामगिरी केली. भारतासाठी विश्वचषकातील सामन्यात भारतीय फिरकीपटू म्हणून सर्वोत्तम कामगिरी करणारा तो दुसरा खेळाडू ठरला. यामध्ये माजी अष्टपैलू खेळाडू युवराज सिंगचे नाव पहिल्या क्रमांकावर येते. युवराजने 2011 मध्ये बंगळूरु येथे आयर्लंडविरुद्ध 31 धावांत पाच विकेट्स घेतल्या होत्या. आजच्या सामन्यात रवींद्र जडेजाने 33 धावा देत 5 विकेट्स घेतल्या.
5/31 – युवराज सिंग – विरुद्ध आयर्लंड – बंगळूरु – 2011
5/33 - रवींद्र जडेजा - विरुद्ध दक्षिण आफ्रिका - कोलकाता - 2023
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.