मुंबई आणि उत्तर प्रदेश यांच्यात रणजी करंडक उपांत्य फेरीचा सामना सुरू आहे. मात्र या सामन्यात त्याच्या खेळीमुळे मुंबईचा सलामीवीर यशस्वी जैस्वाल वरचढ आहे. वास्तविक, या उपांत्य फेरीच्या सामन्यात मुंबईचा सलामीवीर यशस्वी जैस्वालने 54 चेंडूत आपले खाते उघडले. यशस्वी जैस्वालचे खाते उघडल्यानंतर मुंबईच्या खेळाडूंसह उत्तर प्रदेशच्या खेळाडूंनीही टाळ्या वाजवून त्याचे कौतुक केले. एवढेच नाही तर जयस्वाल यांनीही बॅट उंचावून अभिवादन स्वीकारले. (Ranji Trophy Semi-Finals prithvi shaw shared funny meme when mumbai yashasvi jaiswal opened his account on 50 balls News)

जैस्वालच्या खेळीवर पृथ्वी शॉने मिम शेअर केला

मुंबईचा कर्णधार पृथ्वी शॉने दिवसाचा खेळ संपल्यानंतर एक मेम शेअर केला आहे. यशस्वी जैस्वालच्या खेळीवर आपली प्रतिक्रिया दिली. यशस्वी जैस्वाल सोबत सलामी दिली. या सामन्यात मुंबईचा कर्णधार पृथ्वी शॉने 64 चेंडूत 60 धावांची झटपट खेळी केली. त्याच वेळी, जैस्वालने 50 चेंडूत आपले खाते उघडले. त्यानंतर पृथ्वी शॉ ने आपली प्रतिक्रिया देत मिम शेअर केला.

उत्तर प्रदेशवर मुंबईची भक्कम आघाडी

सामन्याबद्दल बोलायचे झाले तर तिसऱ्या दिवसाचा खेळ संपेपर्यंत मुंबईने (Mumbai) उत्तर प्रदेशवर भक्कम आघाडी घेतली आहे. उत्तर प्रदेशविरुद्धच्या या उपांत्य फेरीच्या सामन्यात मुंबईने आतापर्यंत 346 धावांची आघाडी घेतली आहे. तसेच तिसऱ्या दिवशी मुंबईच्या गोलंदाजांनी अप्रतिम गोलंदाजी करत उत्तर प्रदेशचा संपूर्ण डाव 180 धावांत गुंडाळला. मुंबईकडून तुषार देशपांडे, मोहित अवस्थी आणि तनुष कोटीयन यांनी प्रत्येकी तीन बळी घेतले. त्याचवेळी धवल कुलकर्णीने 1 बळी आपल्या नावावर केला.