अँड्र्यू सायमंड्स

ऑस्ट्रेलियाचा ऑल राऊंडर माजी क्रिकेटपटू अँड्र्यू सायमंड्सचा कार अपघातात मृत्यू झाला आहे. सायमंड्सचं वयाच्या 46 व्या वर्षी निधन झालं आहे. केवळ सायमंड्स नव्हे तर त्याच्यापूर्वी असे 5 क्रिकेटपटू आहेत ज्यांचा रस्ते अपघातात मृत्यू झाला आहे.

कोली स्मिथ

वेस्ट इंडीजचे माजी अष्टपैलू कोली स्मिथ यांचे 9 सप्टेंबर 1959 रोजी इंग्लंडमध्ये झालेल्या भीषण कार अपघातात निधन झाले होते.रस्त्यावरून कार वेगात जात असताना पहाटे 4.45 वाजता गुरांचा ट्रक खुप वेगाने आला आणि ज्यामुळे हा अपघात घडला. स्मिथ यांनी 26 कसोटी सामन्यात 31.70 च्या सरासरीने 1.331 धावा आणि 48 गडी बाद केले होते.

ध्रुव पंडोव

भारताचा क्रिकेटपटू ध्रुव पंडोव याचाही कार अपघातात मृत्यू झाला होता. तो आंतरराष्ट्रीय क्रिकेट खेळला नाही मात्र पंजाबकडून खेळला होता. 1992 साली त्याचा वयाच्या 18 व्या वर्षी कार अपघात झाला होता. अंबाला जवळील रस्त्यावर त्याचा हा अपघात झाला होता.

रुनाको मोर्टन

वेस्ट इंडिजचा क्रिकेटपटू रुनाको मोर्टन याचाही अपघातामध्ये मृत्यू झाला होता. गाडी त्रिनिदादमधीस सोलमॉन हायवेवरील एका पोलवर धडकली होती. हा अपघात 2012 साली झाला होता. त्यावेळी तो केवळ 33 वर्षांचा होता. त्याने 15 कसोटी सामने, 56 वनडे आणि 7 आंतरराष्ट्रीय टी 20 सामने खेळले होते.

बेन हॉलिओक

इंग्लंडचा क्रिकेटपटू बेन हॉलिओक याचा 2002 मध्ये कार अपघातात मृत्यू झाला होता.केवळ 24 व्या वर्षी त्याच्या कारचा अपघात झाला. पर्थमध्ये कार चालवत असताना, त्याचे कारवरील नियंत्रण सुटले आणि कार भिंतीला धडकली होती. त्याने इंग्लंड संघासाठी 20 वनडे आणि 2 कसोटी सामने खेळले होते.