पणजी: अव्वल मानांकित नीरज सारिपल्ली याने लेफ्टनंट कमांडर गोपाळ सखाराम सुकठणकर स्मृती खुल्या रॅपिड मानांकन बुद्धिबळ स्पर्धेत विजेतेपद मिळविले. तर नीरज व मंदार लाड यांचे समान साडेआठ गुण झाल्याने टायब्रेकर गुणांत मंदारला उपविजेतेपदावर समाधान मानावे लागले.

(Neeraj Saripalli won the open rapid ranking chess tournament)

या स्पर्धेत साईराज वेर्णेकर याला तिसरा आला. नीरजचे हे सलग दुसरे रॅपिड बुद्धिबळ विजेतेपद ठरले. गतआठवड्यात त्याने बीपीएस मानांकन स्पर्धा जिंकली होती.

मुष्टिफंड पालक-शिक्षक संघटनेतर्फे तिसवाडी तालुका बुद्धिबळ संघटना, गोवा बुद्धिबळ अस्थायी समिती, अखिल भारतीय बुद्धिबळ महासंघ यांच्या मान्यतेने स्पर्धा पणजीतील इन्स्टिट्यूट मिनेझिस ब्रागांझा सभागृहात झाली.

या स्पर्धेचे बक्षीस वितरण पणजी येथील इन्स्टिट्यूट मिनेझिस ब्रागांझाचे अध्यक्ष दशरथ परब, तिसवाडी तालुका बुद्धिबळ संघटनेचे अध्यक्ष महेश कांदोळकर, गोवा बुद्धिबळ अस्थायी समितीचे अध्यक्ष ज्ञानेश्वर नाईक, स्पर्धेचे मुख्य आर्बिटर अरविंद म्हामल, उपआर्बिटर दत्ताराम पिंगे, मुष्टिफंड हायस्कूलच्या मुख्याध्यापिका अपर्णा च्यारी, स्पर्धा संचालक पल्लवी काकोडकर, गीतांजली किंवसारा, स्नेहा तामणकर, नंधिनी सारिपल्ली यांच्या उपस्थितीत पार पडले.