England Won T-20 World Cup: पाकिस्तानला नमवून इंग्लंडने टी-20 वर्ल्डकपवर आपले नाव कोरले आहे. इंग्लंडचा अष्टपैलू खेळाडू सॅम करन या स्पर्धेत मालिकावीर ठरला आहे. दरम्यान, या विजेतेपदासाठी इंग्लंडला आयसीसीकडुन मोठी रक्कम मिळाली आहे. तसेच पाकिस्तानलाही उपविजेतेपदाबद्दल घसघशीत रक्कम मिळाली आहे.
सॅम करन याने या स्पर्धेत 11.38 च्या सरासरीने 13 विकेट घेतल्या. त्याला प्लेयर ऑफ द टुर्नामेंट पुरस्काराने गौरविण्यात आले आहे. तर विजेत्या इंग्लंड संघाला 1.6 मिलियन डॉलर इतकी रक्कम मिळणार आहे. म्हणजे सुमारे 13 कोटी 4 लाख रूपये. तर अंतिम सामन्यात पराभूत झालेल्या पाकिस्तानला उपविजेतेपदासाठीचे म्हणून सुमारे 6 कोटी रुपये मिळणार आहेत.
टीम इंडियाला (Team India) सेमीफायनल मॅचमध्ये इंग्लंडविरुद्ध 10 गडी राखून पराभव पत्करावा लागला होता, पण सेमीफायनल मॅच हरणाऱ्या टीमला ICC कडून सुमारे 3 कोटी रूपये मिळणार आहेत. भारतासोबतच पहिल्या सेमीफायनलमध्ये पाकिस्तानकडून पराभूत झालेल्या न्यूझीलंडलाही एवढीच रक्कम मिळणार आहे.
इंग्लंडने घेतला 30 वर्षांपुर्वीचा बदला
1992 एकदिवस क्रिकेटच्या विश्वचषक स्पर्धेत पाकिस्तान संघाने इम्रान खानच्या नेतृत्वाखाली इंग्लंडला अंतिम सामन्यात पराभूत करत विश्वचषक जिंकला होता. त्या पराभवाचा बदला या टी-20 विश्वचषक स्पर्धेत इंग्लंडने पाकिस्तानला पराभूत करून घेतला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.