ODI World Cup 2023 IND vs SA: ODI World Cup 2023 IND vs SA: एकदिवसीय विश्वचषक 2023 च्या 37 व्या सामन्यात भारताने दक्षिण आफ्रिकेचा 243 धावांनी धुव्वा उडवला. कोलकात्याच्या ईडन गार्डन्सवर खेळल्या गेलेल्या या सामन्यात भारताने प्रथम फलंदाजी करताना विराट कोहलीच्या शतकाच्या जोरावर 50 षटकांत 5 गडी गमावून 325 धावा केल्या होत्या.
प्रत्युत्तरात दक्षिण आफ्रिकेचा संघ 27.1 षटकांत 83 धावाच करु शकला. या सामन्यात दक्षिण आफ्रिकेचा वेगवान गोलंदाज मार्को यान्सेनचा भारतीय फलंदाजांनी चांगलाच समाचार घेतला. 2023 च्या विश्वचषकात त्याच्या नावावर एक लाजिरवाणा विक्रम नोंदवला गेला.
दरम्यान, या सामन्यात भारतीय फलंदाजांनी मार्को यान्सेनच्या गोलंदाजीवर तूफान फटकेबाजी केली. मार्कोने सामन्यात 9.4 षटके टाकली, त्यादरम्यान त्याने 94 धावा दिल्या. या सामन्यात पहिल्याच षटकापासून त्याची खराब गोलंदाजी पाहायला मिळाली.
मार्कोने पहिल्याच षटकात 17 धावा दिल्या. विशेष म्हणजे, मार्कोने 9.4 षटकात 11 वाईड चेंडू टाकले. एकाच सामन्यात त्याने इतक्या धावा देण्याची ही पहिलीच वेळ नाही.
यापूर्वी, याच विश्वचषकात श्रीलंकेविरुद्धच्या (Sri Lanka) सामन्यात त्याने 10 षटकांत 92 धावा दिल्या आहेत. मार्को यान्सेन आता विश्वचषकाच्या एकाच हंगामात सर्वाधिक धावा देणारा दक्षिण आफ्रिकेचा गोलंदाज ठरला आहे.
या सामन्यात भारतीय फलंदाजांनी उत्कृष्ट फलंदाजीचे प्रदर्शन केले. भारताकडून (India) फलंदाजी करताना विराट कोहलीने सर्वाधिक 101 धावांची खेळी केली. विराट कोहलीचे हे वनडे आंतरराष्ट्रीय क्रिकेटमधील 49 वे शतक आहे. यासह विराटने सचिन तेंडुलकरच्या विक्रमाची बरोबरी केली आहे. विराटशिवाय, श्रेयस अय्यरने 77 धावांची, रोहित शर्माने 40 आणि जडेजाने 29 धावांची विस्फोटक खेळी खेळली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.