Morocco vs Spain: कतार येथे सुरू असलेल्या फिफा फुटबॉल वर्ल्डकप स्पर्धेत मंगळवारी राऊंड ऑफ 16 मधील पहिला सामना मोरक्को आणि स्पेन यांच्यात झाला. हा सामना पुर्णवेळेत गोलशुन्य बरोबरीत राहिला. अतिरिक्त वेळेतही कोणताही संघ गोल करू शकला नाही. त्यामुळे सामन्याचा निकाल पेनल्टी शुटआऊटमध्ये लावण्यात आला. यात मोरक्कोने स्पेनला 3-0 अशा गोलफरकाने नमवत क्वार्टर फायनलमध्ये धडक मारली.

पेनल्टी शुटआऊटमध्ये मोरक्कोचा स्कोअर 3-0 असा झाला. मोरक्कोसाठी अब्देलहमीद साबिरी, हाकिम जिएच आणि अशरफ हकीमी यांनी गोल केले. तर त्यांचा द्र बेनउल गोलचा फटका अडवला. तर स्पेनचे पाब्ले सराबिया, कार्लोस सोलर आणि सर्जियो बुस्केट्स या तिघांनाही गोल करण्यात अपयश आले. त्यानंतर मैदानात मोरक्कोच्या खेळाडुंसह प्रेक्षकांनी एकच जल्लोषाला सुरवात केली.

पुर्वार्धात दोन्ही संघांची गोलची पाटी कोरी राहिली. एकाही संघाला प्रतिस्पर्ध्यांवर गोल करता आला नाही. उत्तरार्धातही दोन्ही संघांना गोल करता आला नाही. काही वेळा स्पेनच्या खेळाडुंना संधी मिळाली, पण त्यांना त्याचे रूपांतर गोलमध्ये करण्यात अपयश आले. पुर्णवेळेत सामना गोलशुन्य बरोबरीत राहिला. त्यानंतर 30 मिनिटांच्या अतिरिक्त वेळेतही सामना गोलशुन्य बरोबरीत राहिला. सामन्यात स्पेननेच चेंडुवर सर्वाधिक नियंत्रण राखले होते.

स्पेनने 2010 चा वर्ल्डकप जिंकला होता. त्यानंतरच्या वर्ल्डकप स्पर्धांमध्ये मात्र स्पेनला प्री-क्वार्टर फायनल राऊंडच्या पुढे जाता आले नाही. त्यापुर्वी स्पेन चार वेळा क्वार्टर फायनलमध्ये पोहचला आहे. मोरक्कोबाबत बोलायचे तर हा संघ एकदाही क्वार्टर फायनलमध्ये पोहचलेला नाही. 1986 मध्ये मोरक्कोचा संघ प्री-क्वार्टर फायनलमध्ये पराभूत झाला होता.