कतारमध्ये सध्या सुरू असलेला फिफा फुटबॉल वर्ल्डकप 2022 स्पर्धा रोमांचक वळणावर आली आहे. सध्या स्पर्धेत बाद फेरी सुरू आहे. अशातच भारतीय अभिनेत्री दीपिका पादुकोण स्पर्धेच्या ट्रॉफीचे अनावरण करणार असल्याचे समोर आले आहे.
फिफा वर्ल्डकप 2022 चा (FIFA World Cup 2022) 18 डिसेंबर रोजी लुसेल स्टेडियमवर अंतिम सामना रंगणार आहे. रिपोर्ट्सनुसार या अंतिम सामन्यादरम्यान दीपिका या स्पर्धेच्या ट्रॉफीचे अनावरण करणार आहे. तरी अद्याप याबाबत अधिकृत घोषणा करण्यात आलेली नाही.
पण, जर असे झाले तर दीपिका पहिली ग्लोबल स्टार ठरेल, जी फिफा वर्ल्डकप ट्रॉफीचे अंतिम सामन्यादरम्यान अनावरण करेल.
दीपिकाचे केवळ भारतातच नाही, तर जगभरात अनेक चाहते आहेत. तिने बॉलिवूडबरोबरच हॉलिवूड चित्रपटातही काम केले आहे. ती आता आगामी 'पठाण' चित्रपटातून प्रेक्षकांसमोर येणार आहे. दरम्यान ती काही महिन्यांपूर्वी झालेल्या कान्स फेस्टिवलमध्येही सहभागी झाली होती.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
