Mohammed Shami Dainik Gomantak
क्रीडा

Mohammed Shami: जगावर छाप पाडणार 'हा' गोलंदाज! शमीच्या या वक्तव्याने क्रिकेट विश्वात खळबळ

India vs New Zealand: न्यूझीलंडविरुद्ध खेळल्या गेलेल्या दुसऱ्या एकदिवसीय सामन्यात टीम इंडियाच्या विजयाचा सर्वात मोठा हिरो ठरला अनुभवी वेगवान गोलंदाज मोहम्मद शमी.

दैनिक गोमन्तक

Mohammed Shami, India vs New Zealand: न्यूझीलंडविरुद्ध खेळल्या गेलेल्या दुसऱ्या एकदिवसीय सामन्यात टीम इंडियाच्या विजयाचा सर्वात मोठा हिरो ठरला अनुभवी वेगवान गोलंदाज मोहम्मद शमी. या सामन्यात 6 षटके टाकताना शमीने 3.00 च्या इकॉनॉमीसह 18 धावा केल्या आणि 3 खेळाडू बाद केले.

दरम्यान, या शानदार कामगिरीसाठी त्याला सामनावीर (MOM) पुरस्कारही देण्यात आला. या मॅच-विनिंग कामगिरीबद्दल मोहम्मद शमीने (Mohammed Shami) एक मोठे वक्तव्य केले आहे. आगामी काळात जागतिक क्रिकेटवर राज्य करु शकणाऱ्या गोलंदाजाचे नाव त्याने दिले आहे.

हा घातक वेगवान गोलंदाज जगावर राज्य करेल

उमरान मलिकला त्याच्या वेगामुळे उज्ज्वल भविष्य आहे, असे मत अनुभवी वेगवान गोलंदाज मोहम्मद शमीचे आहे. या युवा वेगवान गोलंदाजाने आपल्या लाईन आणि लेन्थवर काम केले तर तो जागतिक क्रिकेटवर छाप पाडू शकेल. उमरानने आपल्या वेगवान गोलंदाजीच्या जोरावर सर्वांची मने जिंकली आहेत. तो 150 किमी प्रतितास वेगाने गोलंदाजी करतो परंतु त्याला लाईन आणि लेन्थवर काम करण्याची गरज असल्याचे शमीने बोलून दाखवले.

मोहम्मद शमीने हे मोठे वक्तव्य केले

सामन्यानंतर उमरानशी बोलताना शमी म्हणाला की, 'मला तुला एकच सल्ला द्यायचा आहे. तुझ्या गतीने खेळणे मला सोपे वाटत नाही. तुला फक्त लाईन आणि लेन्थवर काम करण्याची गरज आहे. जर तु त्यावर नियंत्रण ठेवू शकला तर जागतिक क्रिकेटवर (Cricket) छाप पाडू शकशील.'

शमी पुढे म्हणाला की, 'तुझे भविष्य उज्ज्वल आहे. पुढील वाटचालीसाठी शुभेच्छा.'

उमरानने शमीला विचारले की, तुम्ही प्रत्येक सामन्यात इतके शांत आणि आनंदी कसे राहता, त्यावर शमी म्हणाला की, 'जेव्हा तुम्ही देशासाठी खेळत असाल तेव्हा तुम्ही दडपण घेऊ नका. आपण आपल्या कौशल्यावर विश्वास ठेवायला हवा.

शमी पुढे असेही म्हणाला की, 'जेव्हा तुम्ही शांत राहता आणि तुमच्या कौशल्यांवर विश्वास ठेवता, तेव्हा तुम्हाला तुमच्या रणनीतीनुसार जाण्याची चांगली संधी असते. पण स्वत:वर विश्वास ठेवून खेळपट्टीकडे लक्ष द्या आणि त्यानुसार गोलंदाजी करा.'

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs NZ 1st Test: अवघ्या दोन धावांनी हुकलं शतक, शुभमन गिलच्या नावावर नकोसा रेकॉर्ड! धोनी-विराटच्या यादीत समावेश

Couple Assault Viral Video: फोटो काढणाऱ्या जोडप्याला अश्लील शेरेबाजी, बेदम मारहाण, 8 अल्पवयीन मुले ताब्यात; मुंबईतील खळबळजनक व्हिडिओ व्हायरल

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

SCROLL FOR NEXT