रविवारी कॉपा अमेरिका (Copa America) स्पर्धेमध्ये अर्जेंटिनाने (Argentina) ब्राझीलला (Brazil) 1- 0 अशा गोल फरकाने हरवले. आणि या विजयाचा मानकरी ठरला तो म्हणजे अर्जेंटिनाचा सुप्रसिद्ध व अनुभवी फुटबॉलपटू(Football) लिओनेल मेस्सी (Lionel Messi). जगातील अव्वल फुटबॉलपटू मध्ये गणल्या जाणाऱ्या मेस्सीला कोण ओळखत नसेल ? अशाच या जगप्रसिद्ध मेस्सीला आपल्या जाहिराती मध्ये घेण्यासाठी कितीतरी मोठ मोठ्या कंपन्या चढाओढ करत असतात आणि त्याला जाहिरातीत घेण्यासाठी अव्वाच्या सव्वा किंमत मोजतात.

आता भारतात जी गोष्ट कोणाला जमली नाही, तीच गोष्ट एका बिडी कंपनीने करून दाखवली, अर्थातच भारतातील बिडी पॅकेटवर मेस्सीचा फोटो झळकलेला पाहायला मिळाला. आणि नेमका हाच चर्चेचा विषय बनला. आणि त्या बिडी पॅकेटचा फोटो बराच व्हायरल झाला. व्हायरल झालेल्या या फोटोवर अनेक प्रतिक्रिया उमटल्या, ज्यामध्ये काही जणांनी मेस्सीचे कौतुक केलं तर काहींनी त्या जाहिरात बनवण्यामागे असणाऱ्या व्यक्तीच्या सुपीक मेंदूतून निघालेल्या भन्नाट कल्पनेचे कौतुक केलं. पण मेस्सीला मात्र काय वाटत असावे याविषयी हे पाहणे मजेशीर असेल.

पण एकंदरीत हे जे काही घडलं ते फार मजेशीर मात्र नक्कीच आहे.