महाराष्ट्राच्या (Maharashtra) किशोर संघाने 31 साव्या राष्ट्रीय अजिंक्यपद खो-खो स्पर्धेत (31st National Championship Kho-Kho Competition) गोव्याचा (Goa) दणदणीत पराभव करीत शानदार विजय मिळविला आहे. महाराष्ट्राच्या किशोर संघाने गोव्याचा 31-06 असा धुव्वा उडवित एक डाव आणि 25 गुणांनी सामना आपल्या नावावर केला.

या सामन्यात गोव्याला महाराष्ट्राचा एकही गडी प्रत्यक्ष बाद करता आला नाही. महाराष्ट्राच्या प्रशिक्षकांनी आपल्या खेळाडूंना जास्त ताण न देता. सर्व संरक्षकांना काही आंतराने निवृत्त होण्यास सांगितले. त्यामुळेच गोव्याला त्याचे 6 गुण मिळाले. महाराष्ट्राच्या पहिल्या डावात, राज जाधव (3:40 मि. संरक्षण करत, 1 गडी) तर अथर्व पाटील (नाबाद 2:00 मि. संरक्षण 1 गडी), दुसऱ्या डावात ईशांत वाघ (3:30 मि. संरक्षण 4 गडी), मोहन चव्हाण (1:50 मि. सरंक्षण,3 गडी) हा निवृत्त झाल्याने गोव्याला गुण मिळाले. आक्रमणात महाराष्ट्राने हाराद्या वसावेने 6 गडी तर कर्णधार सोत्या वळवी व जिशान मुलाणीने प्रत्येकी 5-5 गडी बाद केले. गोव्याकडून देवांश आणि रजत यांनी काहीप्रमाणात लढत देण्याचा प्रयत्न केला.

दुसऱ्या सामन्यात कोल्हापूरच्या संघाने हिमाचल प्रदेशचा 21-05 असा एक डाव 16 गुणांनी पराभव केला. तर कर्नाटकच्या संघाने बिहारचा 29-04 असा एक डाव 25 गुणांनी पराभव केला.