IPL 2023 Purple Cap: आयपीएल 2023 आता अंतिम टप्प्यात आहे. या लीगचे 68 सामने झाले आहेत. गुजरातचा स्टार वेगवान गोलंदाज मोहम्मद शमी 68 सामन्यांनंतर पर्पल कॅपच्या शर्यतीत अव्वल स्थानी आहे.

त्याने 13 सामन्यात एकूण 23 विकेट घेतल्या आहेत. या यादीत पहिल्या पाचमध्ये चार भारतीय गोलंदाज आहेत. विशेष म्हणजे, चार गोलंदाज फिरकीपटू आहेत.

दरम्यान, पर्पल कॅपच्या शर्यतीत गुजरात टायटन्सचा स्टार फिरकीपटू रशीद खान 23 विकेट्ससह दुसऱ्या स्थानावर आहे, तर राजस्थान रॉयल्सचा युजवेंद्र चहल (Yuzvendra Chahal) 13 सामन्यांत 21 विकेट्ससह तिसऱ्या क्रमांकावर आहे. या यादीतील इतर गोलंदाज कोण आहेत ते पाहा.

या मोसमात सर्वाधिक विकेट घेणारे टॉप 5 गोलंदाज

23- मोहम्मद शमी (GT) सामना 13

23- राशिद खान (GT), सामना 13

21- यजुवेंद्र चहल (आरआर), सामना 13

20- पियुष चावला (MI) सामना 13

19- वरुण चक्रवर्ती (केकेआर) सामना 13

पर्पल कॅप म्हणजे काय, कोणाला दिली जाते?

पर्पल कॅप हा आयपीएलमध्ये (IPL) दिला जाणारा पुरस्कार आहे. इंडियन प्रीमियर लीगच्या एका मोसमात सर्वाधिक विकेट घेणाऱ्या गोलंदाजाला ही कॅप दिली जाते. ही ऑरेंज कॅपसारखेच आहे, जी एका मोसमात सर्वाधिक धावा करणाऱ्या खेळाडूला दिली जाते.

मागच्या वेळी पर्पल कॅप कोणाला मिळाली होती?

आयपीएल 2022 मध्ये भारतीय संघाचा फिरकीपटू यजुवेंद्र चहलने पर्पल कॅप मिळवली होती. राजस्थान रॉयल्सकडून खेळताना त्याने 27 बळी घेतले होते.