Sandesh Jhingan Dainik Gomantak
क्रीडा

क्रोएशियातील क्लबकडून संदेश झिंगन करारबद्ध

आगामी देशांतर्गत फुटबॉल (Football) मोसमात तो कोलकात्याच्या एटीके मोहन बागान (ATK Mohan Bagan) संघाकडून खेळणार नाही.

किशोर पेटकर

पणजी: भारताचा अनुभवी फुटबॉलपटू संदेश झिंगन (Sandesh Jhingan) याला क्रोएशियातील अव्वल साखळी स्पर्धेत खेळणाऱ्या एचएनके सिबेनिक संघाने करारबद्ध केले आहे, त्यामुळे आगामी देशांतर्गत फुटबॉल मोसमात तो कोलकात्याच्या एटीके मोहन बागान संघाकडून खेळणार नाही.

क्रोएशियातील क्लबकडून व्यावसायिक करार मिळालेला 28 वर्षीय झिंगन भारताचा पहिला फुटबॉलपटू आहे. अखिल भारतीय फुटबॉल महासंघाने गतमहिन्यात बचावपटू झिंगनची 2020-21 मोसमातील सर्वोत्तम भारतीय फुटबॉलपटू पुरस्कारासाठी निवड केली होती.

चंडीगडमधील सेंट स्टीफन्स फुटबॉल अकादमीतर्फे (St. Stephen's Football Academy) युवा कारकिर्दीस सुरवात केलेल्या झिंगनने 2011 साली युनायटेड सिक्कीम संघातर्फे देशातील सीनियर फुटबॉलमध्ये पदार्पण केले. 2014 साली वयाच्या 21व्या वर्षी तो इंडियन सुपर लीग (आयएसएल) फुटबॉल स्पर्धेतील सर्वोत्तम उदयोन्मुख खेळाडू ठरला. 2015 साली त्याने फिफा विश्वकरंडक (2018) स्पर्धेच्या पात्रता फेरीत नेपाळविरुद्धच्या लढतीत आंतरराष्ट्रीय पदार्पण केले. आयएसएल स्पर्धेत झिंगन सहा वर्षे खेळला. या कालावधीत केरळा ब्लास्टर्सने दोन वेळा स्पर्धेत उपविजेतेपद मिळविले. 2020 मध्ये त्याने एटीके मोहन बागानशी करार केला, पण दुखापतीमुळे तो मोसमात मुकला.

‘‘मला वाटतं, मी कारकिर्दीच्या अशा टप्प्यावर आहे, जेथे मी स्वतःची शक्य तितक्या उच्च स्तराव चाचणी करण्यास इच्छुक आहे आणि हे एकदम परिपूर्ण व्यासपीठ आहे. युरोपमध्ये खेळण्याची माझी मनीषा होती आणि आता मी हे आव्हान स्वीकारले आहे,’’ असे झिंगन याने नमूद केले. संधी दिल्याबद्दल त्याने एचएनके सिबेनिक संघाचे मुख्य प्रशिक्षक मारियो रोझास, संघाचे मालक व व्यवस्थापक यांचे आभार मानले असून मैदानावर संधीचे सोने करताना शंभर टक्के योगदान देण्याचे ध्येय बाळगले आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

बॅटरीचा राजा येतोय! Redmi 15 5G लाँचिंगसाठी सज्ज, 7000mAh बॅटरी करणार कमाल; जाणून घ्या अफलातून फीचर्स

IND vs ENG: भारतासाठी ओव्हल 'लकी' की 'अनलकी'? कसा आहे टीम इंडियाचा रेकॉर्ड? गिल सेना करणार मोठा चमत्कार

Goa Made Liquor Seized: गोवा बनावटीच्या दारूची तस्करी; सिंधुदुर्गातील इन्सुली चेकपोस्टवर 6.80 लाखांचा मुद्देमाल जप्त, दोघे ताब्यात

Lung Cancer: फुफ्फुसाच्या कर्करोगाचा तरुणाईला विळखा, 50 वर्षांखालील 21 टक्के लोकांना जखडलं; जाणून घ्या का वाढतोय धोका?

Goa Assembly: गोव्याच्या पर्यटन क्षेत्रात वाढ, जून 2025 पर्यंत 54.5 लाख पर्यटकांची नोंद, मंत्री रोहन खंवटेंची माहिती; वाचा दिवसभरातील घडामोडी

SCROLL FOR NEXT