West Indies vs India, 1st test, Playing XI: भारत विरुद्ध वेस्ट इंडिज संघात बुधवारपासून दोन सामन्यांची कसोटी मालिका सुरू झाली असून पहिला सामना डॉमिनिकामधील रोसौ येथील विंडसर पार्क येथे खेळला जात आहे. या सामन्यात वेस्ट इंडिजने नाणेफेक जिंकून प्रथम फलंदाजी करण्याचा निर्णय घेतला आहे.
दरम्यान, भारताकडून या सामन्यातून यशस्वी जयस्वाल आणि ईशान किशन यांचे कसोटी पदार्पण झाले आहे. जयस्वालचे हे आंतरराष्ट्रीय पदार्पण देखील आहे. त्यामुळे जयस्वाल भारताकडून आंतरराष्ट्रीय पदार्पण करणारा 394 वा खेळाडू आहे.
तसेच ईशानने यापूर्वी भारताकडून वनडे आणि टी20 क्रिकेट खेळले आहे. पण त्याचा कसोटीतील हा पहिलाच सामना आहे. त्यामुळे कसोटी क्रिकेटमध्ये भारताचे प्रतिनिधित्व करणारे ईशान आणि जयस्वाल 306 आणि 307 वे खेळाडू ठरले आहेत. ईशान यष्टीरक्षक फलंदाज म्हणून खेळेल, तर जयस्वाल सलामीवीर म्हणून खेळेल.
तसेच भारताच्या प्लेइंग इलेव्हनमध्ये आर अश्विनचेही पुनरागमन झाले आहे. दरम्यान, या सामन्यातून वेस्ट इंडिजकडूनही एलिक अथानाज या 24 वर्षीय अष्टपैलू खेळाडूचे पदार्पण झाले आहे. तसेच वेस्ट इंडिजने राहकीम कॉर्नवॉल आणि जोमेल वॉरिकन या फिरकी गोलंदाजांना प्लेइंग इलेव्हनमध्ये संधी दिली आहे.
वेस्ट इंडिज विरुद्ध भारत संघात होणारी कसोटी मालिका कसोटी चॅम्पियनशीप 2023-25 स्पर्धेच्या अंतर्गत खेळवण्यात येत आहे. त्यामुळे या कसोटी मालिकेतून भारत आणि वेस्ट इंडिज संघही कसोटी चॅम्पियनशीपच्या तिसऱ्या पर्वातील आपल्या मोहिमेला सुरुवात करणार आहेत.
भारत - रोहित शर्मा (कर्णधार), यशस्वी जयस्वाल, शुभमन गिल, विराट कोहली, अजिंक्य रहाणे, रवींद्र जडेजा, इशान किशन (यष्टीरक्षक), आर अश्विन, शार्दुल ठाकूर, जयदेव उनाडकट, मोहम्मद सिराज
वेस्ट इंडिज - क्रेग ब्रॅथवेट (कर्णधार), तेजनारायण चंदरपॉल, रेमन रेफर, जर्मेन ब्लॅकवुड, एलिक अथानाज, जोशुआ दा सिल्वा (यष्टीरक्षक), जेसन होल्डर, रहकीम कॉर्नवॉल, अल्झारी जोसेफ, केमार रोच, जोमेल वॉरिकन
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.