Rohit Sharma & Babar Azam Dainik Gomantak
क्रीडा

ICC World Cup 2023 Tickets: 'या' दिवसापासून मिळणार वर्ल्डकपची तिकिटं; भारत-पाक सामन्यासाठी कधीपासून होणार बुकींग?

ICC World Cup 2023 Tickets: आंतरराष्ट्रीय क्रिकेट परिषदेने (ICC) यावर्षी भारतात होणाऱ्या एकदिवसीय विश्वचषकाचे नवीन वेळापत्रक जाहीर केले आहे.

Manish Jadhav

ICC World Cup 2023 Tickets: आंतरराष्ट्रीय क्रिकेट परिषदेने (ICC) यावर्षी भारतात होणाऱ्या एकदिवसीय विश्वचषकाचे नवीन वेळापत्रक जाहीर केले आहे. याअंतर्गत भारत-पाकिस्तान सामन्यासह 9 सामन्यांमध्ये बदल करण्यात आले आहेत. यासोबतच आयसीसीने तिकिटासंबंधी मोठी घोषणा केली. एकदिवसीय विश्वचषक 2023 5 ऑक्टोबरपासून सुरु होणार आहे. तर अंतिम सामना 19 नोव्हेंबर रोजी होणार आहे. भारत आणि पाकिस्तान यांच्यातील सामना आता 15 तारखेऐवजी एक दिवस आधी म्हणजेच 14 ऑक्टोबर रोजी अहमदाबादच्या नरेंद्र मोदी स्टेडियमवर होणार आहे.

अशा प्रकारे तुम्ही तुमची तिकिटे बुक करु शकता

दरम्यान, चाहत्यांना विश्वचषकासाठी तिकिट बुक करायचे असेल तर त्यांना 25 ऑगस्टपर्यंत प्रतीक्षा करावी लागणार आहे. तिकिटांची नोंदणी प्रक्रिया 15 ऑगस्टपासून सुरु होणार असल्याचे आयसीसीने सांगितले आहे. यानंतर 25 ऑगस्टपासून विश्वचषकाच्या सर्व सामन्यांच्या तिकिटांची विक्री सुरु होईल.

दुसरीकडे, 15 ऑगस्टपासून चाहते विश्वचषकाच्या तिकिटांसाठी त्यांची पूर्व-नोंदणी करु शकतात. यामुळे त्यांना तिकिटांबाबत अपडेट मिळत राहील. पूर्व-नोंदणी आणि तिकीट बुकिंगसाठी, www.cricketworldcup.com/register या वेबसाइटला भेट द्यावी लागेल. तसेच, सामन्याच्या तिकिटांसाठी ICC वेबसाइट व्यतिरिक्त, ऑफिशियल टिकटिंग पार्टनर्सच्या वेबसाइटला भेट देऊन देखील बुकिंग केले जाऊ शकते.

या तारखांना तिकिटांची विक्री केली जाईल...

नॉन इंडिया वार्मअप मॅच आणि नॉन इंडिया इव्हेंट सामन्यांचं तिकीटं 25 ऑगस्ट रोजी मिळणार

गुवाहाटी आणि त्रिवेंद्रम येथे होणाऱ्या भारताच्या सामन्यांची तिकीटं 30 ऑगस्ट रोजी मिळणार

चेन्नई, दिल्ली आणि पुणे येथे होणाऱ्या भारताच्या सामन्यांची तिकीटं 31 ऑगस्ट रोजी मिळणार

धर्मशाला, लखनऊ आणि मुंबई येथे भारताच्या सामन्यांची तिकीटं 1 सप्टेंबर रोजी मिळणार

बंगळुरु आणि कोलकाता येथे होणाऱ्या भारताच्या सामन्यांची तिकीटं 2 सप्टेंबर रोजी मिळणार

अहमदाबाद येथे होणाऱ्या भारताच्या सामन्यांचं 3 सप्टेंबर रोजी मिळणार

उपांत्य फेरी आणि अंतिम फेरीच्या सामन्यांचं तिकीट 15 सप्टेंबर रोजी मिळणार

उपांत्य फेरीचे सामने मुंबई आणि कोलकाता येथे होणार आहेत

विश्वचषकादरम्यान, 45 सामन्यांचा समावेश असलेल्या राउंड रॉबिन लीगमध्ये 10 संघ एकमेकांशी भिडतील. प्रत्येक संघ इतर 9 संघांशी राऊंड-रॉबिन स्वरुपात खेळेल, अव्वल चार संघ बाद फेरीसाठी (उपांत्य फेरी) पात्र ठरतील. पहिला उपांत्य सामना 15 नोव्हेंबरला मुंबईतील वानखेडे स्टेडियमवर तर दुसरा उपांत्य सामना 16 नोव्हेंबरला कोलकात्याच्या ईडन गार्डन्सवर खेळवला जाईल. जर भारत उपांत्य फेरीसाठी पात्र ठरला तर त्याचा उपांत्य सामना मुंबईत होईल.

वानखेडे स्टेडियमवर 2011 च्या विश्वचषक स्पर्धेच्या अंतिम सामन्याचे आयोजन करण्यात आले होते, ज्यामध्ये महेंद्रसिंग धोनीच्या नेतृत्वाखालील भारतीय संघाने 28 वर्षांनंतर एकदिवसीय विश्वचषक स्पर्धेचे विजेतेपद जिंकण्यासाठी श्रीलंकेचा पराभव केला होता. तसेच, 1987 च्या स्पर्धेत ऑस्ट्रेलिया आणि इंग्लंड यांच्यातील विजेतेपदाचा सामना ईडन गार्डन्सने आयोजित केला होता, जो ऑस्ट्रेलियाने जिंकला होता.

सराव सामने आणि स्पर्धेची ठिकाणे

विश्वचषकादरम्यान सराव सामन्यांसह एकूण 12 ठिकाणे असतील. ही हैदराबाद, अहमदाबाद, धर्मशाला, दिल्ली, चेन्नई, लखनऊ, पुणे, बंगळुरु, मुंबई आणि कोलकाता आहेत. हैदराबाद व्यतिरिक्त, गुवाहाटी आणि तिरुअनंतपुरममध्ये 29 सप्टेंबर ते 3 ऑक्टोबर दरम्यान सराव सामने होणार आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Shubman Gill Century: शुभमन गिलचा धमाका! ठोकलं बॅक टू बॅक शतक, 'ही' अद्भुत कामगिरी करणारा ठरला पहिला भारतीय

Camel Tear: उंटाचे अश्रू सापाच्या विषावर गुणकारी, एक थेंब 26 सापांच्या विषावर ठरेल जालीम औषध; अभ्यासातून स्पष्ट

CO2 To Alcohol: विज्ञानाचा चमत्कार! कार्बनचे अल्कोहोलमध्ये रुपांतर करण्यात कोरियाच्या वैज्ञानिकांना यश

Anaya Bangar: 'पुरुषाच्या देहात एक कोमल स्त्री जगत होती'; अनाया बांगरने जागवल्या लिंगबदल काळातील नाजूक आठवणी

Goa Crime: पार्किंगचा वाद विकोपाला गेला, पर्ये सत्तरीत दोन तरुणांमध्ये तुंबळ हाणामारी; एकाला अटक

SCROLL FOR NEXT