India vs New Zealand: भारत आणि न्यूझीलंड यांच्यात उद्या नेपियर येथे तीन सामन्यांच्या टी-20 मालिकेतील तिसरा आणि निर्णायक सामना खेळवला जाणार आहे. दोन्ही देशांमधला हा सामना उद्या भारतीय वेळेनुसार दुपारी 12 वाजता होणार आहे. पहिल्या सामन्यात पावसाने व्यत्यय आणला होता, तर दुसरा सामना जिंकल्यानंतर भारताने मालिकेत 1-0 ने आघाडी घेतली. आता भारताने तिसरा आणि निर्णायक टी-20 सामना जिंकल्यास ही टी-20 मालिका जिंकेल.

या 2 खेळाडूंना Playing 11 मध्ये मिळेल संधी!

न्यूझीलंडच्या (New Zealand) भूमीवर टी-20 मालिका जिंकण्यासाठी टीम इंडियाचा (Team India) कर्णधार हार्दिक पंड्या सर्वतोपरी प्रयत्न करणार आहे. T20 मालिका जिंकण्यासाठी हार्दिक पांड्या मोठा निर्णय घेऊ शकतो. पांड्या तिसऱ्या आणि निर्णायक टी-20 सामन्यात दोन धोकादायक खेळाडूंना प्लेइंग इलेव्हनमध्ये संधी देऊ शकतो. उमरान मलिक आणि संजू सॅमसनसारख्या खेळाडूंना तिसऱ्या आणि निर्णायक टी-20 सामन्यात संधी मिळू शकते.

ईशान किशन-ऋषभ पंतला चांगले निकाल मिळाले नाहीत

न्यूझीलंडविरुद्धच्या दुसऱ्या टी-20 मध्ये ईशान किशनसह ऋषभ पंतला (Rishabh Pant) सलामी करण्याची संधी देण्यात आली, पण तो अपयशी ठरला. परंतु ऋषभ पंतची शानदार फलंदाजी पाहता मालिकेतील शेवटच्या सामन्यात त्याच्याकडून चांगली कामगिरी होण्याची अपेक्षा आहे. सॅमसन हा आणखी एक फलंदाज आहे, ज्याचा प्लेइंग इलेव्हनमध्ये समावेश केला जाऊ शकतो.

शुभमन गिलही डावाची सुरुवात करण्याचा दावेदार

वरिष्ठ खेळाडूंच्या अनुपस्थितीत शुभमन गिलही डावाची सुरुवात करण्याचा दावेदार आहे, पण संघाने डावाची सलामी देण्यासाठी दोन डावखुऱ्या फलंदाजांची निवड केली आहे. टी-20 सामन्यांनंतर खेळल्या जाणाऱ्या वनडे मालिकेतच त्याला संधी मिळण्याची शक्यता आहे.