IND vs NZ 2nd T20: भारत आणि न्यूझीलंड यांच्यातील तीन सामन्यांच्या T20 मालिकेतील दुसरा सामना आज (20 नोव्हेंबर) होणार आहे. या मालिकेत वरिष्ठ खेळाडूंना विश्रांती देण्यात आली आहे, तर एक घातक वेगवान गोलंदाजही संघात परतला आहे. टीम इंडियाच्या या वेगवान गोलंदाजासाठी ही मालिकाही महत्त्वाची ठरणार आहे. या खेळाडूला काही सामन्यांनंतरच संघातून वगळण्यात आले होते.
या खेळाडूचे संघात पुनरागमन झाले
न्यूझीलंडविरुद्धच्या या मालिकेत युवा वेगवान गोलंदाज उमरान मलिकला (Umran Malik) स्थान देण्यात आले आहे. तो आयपीएल 2022 पासून चर्चेत आहे, परंतु काही काळासाठी तो टीम इंडियामध्ये (Team India) स्थान मिळवू शकला नाही. मात्र, यावेळी त्याने टी-20 तसेच एकदिवसीय संघातही आपले स्थान निश्चित केले आहे. काश्मीरचा रहिवासी उमरान मलिक 150 किमी प्रतितास वेगाने गोलंदाजी करु शकतो.
आयर्लंड दौऱ्यावर पदार्पण केले
उमरान मलिकने यावर्षी आयर्लंडविरुद्ध पदार्पण सामना खेळला. मात्र, उमरान मलिक आंतरराष्ट्रीय क्रिकेटमध्ये आयपीएल 2022 च्या चमकदार कामगिरीची पुनरावृत्ती करु शकला नाही. त्यामुळे 3 सामन्यानंतर त्याला टीम इंडियातून वगळण्यात आले. उमरान मलिक आता पुन्हा एकदा संघात आपले स्थान निश्चित करण्यासाठी सज्ज झाला आहे.
टीम इंडियासाठी 3 सामने खेळले
उमरान मलिकने टीम इंडियासाठी आतापर्यंत 3 टी-20 सामने खेळले आहेत, ज्यामध्ये त्याने 12.44 च्या इकॉनॉमीने धावा दिल्या असून 2 विकेट घेतल्या आहेत. त्याची खराब कामगिरी पाहता त्याला संघातून वगळण्यात आले होते. उमरान मलिकने टीम इंडियासाठी शेवटचा सामना जुलै 2022 मध्ये इंग्लंडविरुद्ध (England) खेळला होता. तर आयपीएल 2022 मध्ये उमरान मलिकने 14 सामन्यात 22 विकेट घेतल्या.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
